Landspítala hefur verið falin framkvæmd skimana fyrir krabbameini í brjóstum í samvinnu við Sjúkrahúsið á Akureyri.

Í Reykjavík fer brjóstaskimunin fram í Brjóstamiðstöð, sem er á 3. hæð á Eiríksgötu 5. 

• Nánari upplýsingar: Brjóstamiðstöð - skimun og greining

Á Akureyri er þjónustan staðsett á Sjúkrahúsinu á Akureyri, Eyrarlandsvegi, inngangur C.

Einkennalausar konur 40 til 74 ára geta pantað tíma í skimun fyrir brjóstakrabbameini.

Tímapantanir í síma 513-6700 milli kl. 8:30 og 12:00 alla virka daga. 

Einnig er hægt að senda tölvupóst á krabbameinsskimun@heilsugaeslan.is.

Í framtíðinni er stefnt að því að allar konur geti bókað eða breytt tíma á Heilsuvera.is.

Núna er einkennalausum konum á aldrinum 40 - 69 ára boðin skimun fyrir brjóstakrabbameini á tveggja ára fresti og konum á aldrinum 70-74 ára á þriggja ára fresti.

Heilsugæslunni hefur verið falin framkvæmd skimunar fyrir krabbameini í leghálsi. 

Á  höfuðborgarsvæðinu fer hún fram á öllum 19 heilsugæslustöðvunum. Á landsbyggðinni er skimunin á heilsugæslustöðvunum með sama hætti og undanfarin ár.  

Ljósmæður og hjúkrunarfræðingar, sem hafa hlotið sérstaka þjálfun, taka leghálssýni á öllum 19 heilsugæslustöðvunum á höfuðborgarsvæðinu með sama hætti og ljósmæður og hjúkrunarfræðingar hafa gert á heilsugæslustöðvum á landsbyggðinni. 

Heilsugæslan, í samvinnu við kvennadeild Landspítala og kvennadeild Sjúkrahússins á Akureyri, sinnir og fylgir eftir konum sem þurfa nánari greiningu og eftirlit vegna ákveðinna frumubreytinga í leghálsi.

Lestu meira í nýjum bæklingi frá Embætti landlæknis 

• Skimun vegna frumubreytinga í leghálsi

 Lestu meira um skimanir fyrir leghálskrabbameini á heilsuvera.is

• Skimun fyrir leghálskrabbameini

Samhæfingarstöð krabbameinsskimana er til húsa í Þönglabakka 1, 109 Reykjavík.

Brjóstamyndatakan fer fram að Eiríksgötu 5 í Reykjavík og á Sjúkrahúsinu á Akureyri, Eyrarlandsvegi. Leghálsskimanir eru á heilsugæslustöðvum um land allt.