Efstaleiti 3, 103 Reykjavík
Sími: 585-1800Fax: 585-1801

Almennur þjónustutími

Virka daga kl. 8:00 - 16:00
Síðdegisvakt mánudaga - fimmtudaga kl. 16:00 - 18:00

Heilsugæslan Efstaleiti þjónar fyrst og fremst íbúum á þjónustusvæði stöðvarinnar, sem afmarkast af Miklubraut í norðri, Fossvogi í suðri, Kringlumýrarbraut í vestri og Reykjanesbraut í austri.  

Skráning á heilsugæslustöð fer fram í gegnum Réttindagátt sjúkratrygginga eða á staðnum.

Í afgreiðslu heilsugæslustöðvarinnar taka móttökuritarar við tímapöntunum, gefa almennar upplýsingar um starfsemi stöðvarinnar og koma áríðandi skilaboðum til starfsfólks. 

Símatími hjúkrunarfræðinga er frá kl. 8:00 til 11:30 alla virka daga.

Með rafrænum skilríkjum er hægt að bóka tíma og endurnýja lyf í gáttinni: heilsuvera.is

Upplýsingar um fyrirkomulag inflúensubólusetninga

Breyttur tími  fyrir lyfjaendurnýjun

 

Lyfjaendurnýjun í gegnum síma

Læknaritarar stöðvarinnar taka við beiðnum vegna lyfjaendurnýjana alla daga frá kl. 9:30 til 11:30 í síma 585-1829. Upplýsingum er svo komið til viðkomandi læknis, sem ávísar lyfjunum eftir að hafa metið beiðnina.

Rafræn lyfjaendurnýjun

Með rafrænum skilríkjum er hægt að óska eftir lyfjaendurnýjun í gáttinni: Heilsuvera.is

Nánar um lyfjaendurnýjun

Þó lögð sé fram beiðni um símsendingu lyfs þá þýðir það ekki sjálfkrafa að lyfið verði sent í apótek. Í sumum tilvikum þurfa sjúklingar að koma á stofu ef þeir hafa ekki fengið lyfið hjá sínum heimilislækni áður eða langt er um liðið síðan lyfinu var ávísað síðast. Einnig getur það verið mat læknis að hann þurfi að sjá sjúkling á stofu og fer það eftir eðli vandamáls.

Almenna reglan er sú að símsenda ekki lyf, sem ekki eru til upplýsingar í sjúkraskrá um að sjúklingar hafi fengið áður. Læknar stöðvarinnar gæta ávallt sérstakrar varúðar við útgáfu ávanabindandi lyfja fyrir sjúklinga sem þeir þekkja ekki til. Þá er mæt með lyfjaskömmtun apóteka hjá öldruðum og öðrum sem taka mikinn fjölda lyfja.

Best er að fólk panti tíma hjá sínum lækni til að endurnýja lyfseðla. Oft er um að ræða lyf sem tekin eru vegna langvinnra vandamála og því rétt að heimilislæknir viðkomandi sjái sjúklinga sína reglulega og fylgi þeim eftir. Til að spara fólki tíma og fyrirhöfn er lögð áhersla á notkun fjölnota lyfseðla fyrir lyf sem sjúklingar nota að staðaldri, en slíkir lyfseðlar geta dugað í allt að eitt ár. Til að fá fjölnota lyfseðil þarf að koma á stofu.

03.01.2017 10:50

Nýir fagstjórar hjúkrunar

Ráðið hefur verið í stöður fagstjóra hjúkrunar við Heilsugæsluna Efstaleiti, Heilsugæsluna Hlíðum og Heilsugæsluna Efra-Breiðholti.
Nánar
07.11.2016 16:05

Nýir svæðisstjórar hjá Heilsugæslu höfuðborgarsvæðisins

Búið er að ráða svæðisstjóra heilsugæslustöðvanna í Efra Breiðholti, Efstaleiti, Hlíðum, Hamraborg, Hvammi og Seltjarnarnesi og Vesturbæ.
Nánar

Um síðdegisvaktina 

Læknar stöðvarinnar eru með síðdegisvakt sem er opin mánudaga til fimmtudaga frá kl. 16:00 til 18:00. Ekki eru bókaðir tímar heldur er sjúklingum boðið að mæta á staðinn á þessum tíma.

Vaktin er  fyrst og fremst ætluð fyrir skyndiveikindi eða vandamál sem ekki þola bið. Eðli málsins samkvæmt eru þetta stutt viðtöl og eitt erindi / vandamál í viðtali.

Ekki er víst að hægt sé að tryggja öllum læknisþjónustu sem á síðdegisvaktina leita og fer það eftir álagi á hverjum tíma. 

Ef þörf er á veikindavottorði vegna skóla eða vinnu þarf að tilkynna veikindi á heilsugæslustöðina sem fyrst eftir að veikindi hefjast.

Vottorð eru ekki gefin gegnum síma. Panta þarf tíma hjá lækni vegna allra læknisvottorða.

Frá kl. 8:00 til 16:00 er í áríðandi tilvikum alltaf hægt að fá símasamband / viðtal við vakthafandi hjúkrunarfræðing.

Hann metur vandamál viðkomandi og sér um að gefa samdægurstíma hjá lækni eða leiðbeinir um vaktþjónustu þegar um erindi er að ræða sem ekki þola bið, t.d. skyndileg / alvarleg veikindi.

Bráðatilvik hafa alltaf forgang.