Heilsugæslan Sólvangi
Heilsugæslan Sólvangi þjónar fyrst og fremst íbúum Hafnarfjarðar. Skráning á stöðina fer fram í gegnum Réttindagátt sjúkratrygginga eða á staðnum.
Í afgreiðslu heilsugæslustöðvarinnar taka móttökuritarar við tímapöntunum, gefa almennar upplýsingar um starfsemi stöðvarinnar og koma áríðandi skilaboðum til starfsfólks.
Með rafrænum skilríkjum er hægt að bóka tíma, endurnýja lyf og senda einfaldar fyrirspurnir í gáttinni: heilsuvera.is
Unnt er að fá símasamband við hjúkrunarfræðing með fyrirspurnir og í bráðaerindum, samdægurs og án fyrirvara. Hjúkrunarfræðingar geta gefið bráðatíma hjá þínum heimilislækni. Bráðatilvik hafa alltaf forgang.
- Rannsóknastofan er opin frá kl. 8:00 til 10:00 - panta þarf tíma fyrirfram í síma 550-2600.
Breyting á síðdegisvakt Heilsugæslunnar Sólvangi
Breytt og bætt þjónusta
Lyfjaendurnýjun
Tekið er á móti beiðnum um lyfjaendurnýjun frá kl. 9:00-11:30 virka daga í síma 550-2650. Læknar ávísa síðan lyfjum eftir að hafa metið beiðnirnar.Nauðsynlegt er að panta tíma hjá heimilislækni eða ræða við hann símleiðis ef hann hefur ekki ávísað umbeðnu lyfi áður og ef meira en ár er liðið síðan hann hefur ávísað lyfinu.
Eingöngu er hægt að fá endurnýjuð þau lyf sem tekin eru að staðaldri og áður útgefin af læknum stöðvarinnar. Sýklalyf, sterk verkjalyf og ávanabindandi lyf fást ekki endurnýjuð í þessum síma né í Heilsuveru.
Rafræn lyfjaendurnýjun
Athugið að með rafrænum skilríkjum er hægt að óska eftir lyfjaendurnýjun í gáttinni: Heilsuvera.is
Fjölnota lyfseðlar
Mikið hagræði er að því fyrir alla aðila að nota fjölnota lyfseðla ef um samfellda lyfjanotkun til langs tíma er að ræða. Fjölnota lyfseðlar eru einungis gefnir út í samræmi við reglubundið eftirlit hjá lækni og því er ekki hægt að fá þá útgefna í þessum síma.
Mælt er með lyfjaskömmtun hjá öldruðum og öðrum sem eru á mörgum lyfjum.Ef þörf er á veikindavottorði vegna skóla eða vinnu þarf að tilkynna veikindin á heilsugæslustöðina sem fyrst eftir að veikindi hefjast.
Í stuttum veikindum er tekið á móti beiðnum um veikindavottorð vegna skóla í síma: 550-2650 kl. 9:00-11:30 alla virka daga.
Hafa skal beint samband við lækni vegna lengri veiknda og annarra vottorða s.s. vinnuveitendavottorða.
Frá kl. 8:00 til 16:00 er alltaf hægt að fá símasamband eða viðtal við vakthafandi hjúkrunarfræðing.
Hann metur vandamál þitt og gefur svokallaðan samdægurstíma hjá lækni eða leiðbeinir um vaktþjónustu þegar um erindi er að ræða sem ekki þola bið, t.d. skyndileg/alvarleg veikindi og smáslys.
Bráðatilvik hafa alltaf forgang.
Frá 1. júlí verður síðdegisvakt opin virka daga frá kl. 16:00 til 18:00.
Vaktin verður þá að öllu jöfnu mönnuð af tveimur læknum stöðvarinnar og er fyrst og fremst ætluð fyrir skyndiveikindi og smáslys sem þarfnast skjótrar úrlausnar.
Ahugið að bókað er samdægurs í tíma á vaktina.