Heilsubrú er flutt í Þönglabakka 1

Við erum flutt í Þönglabakka 1 og þar erum við á 2. hæð.

Við hlökkum til að taka á móti ykkur á nýjum stað.

Heilsubrú

Heilsubrú er miðlæg þjónustueining hjá Heilsugæslu höfuðborgarsvæðisins. Þar er þjónusta sem styður og bætir við þjónustu heilsugæslustöðva.

Fyrsta skefið er oftast að skrá sig í hópfræðslu. Fjölbreyttir hóptímar og námskeið eru í boði og fólk velur sjálft sína fræðslu.

Framhaldið gæti verið viðtal við fagaðila og /eða meðferð. Í sumum tilvikum þarf tilvísun frá starfsfólki á heilsugæslustöðvum í þessa þjónustu.

Þjónusta á Heilsubrú

Kvenheilsa

Kvenheilsuteymið veitir fræðslu og ráðgjöf en sinnir einnig sjúkdómum og heilsufarsvanda sem eingöngu eru til staðar hjá konum.

Allar konur geta skráð sig í hópfræðslu, sem er fyrsta skrefið. Eftir þátttöku í hóptímum er hægt taka næstu skref varðandi greiningu og meðferð innan eða utan Heilsubrúar. Sjá hóptíma sem eru í boði

Einnig er í boði að fá ráðgjöf um getnaðarvarnir. Þar er mögulegt að fá uppáskrift og uppsetningu getnaðarvarna. Skráning fer fram á mínum síðum á heilsuvera.is.

Andleg líðan

Heilsubrú býður upp á hugræna atferlismeðferð (HAM). Sjá námskeið sem eru í boði

Sérhæfð mæðravernd

Ljósmæður á heilsugæslustöðvum vísa konum í þjónustuna eftir þörfum.
Einnig eru í boði námskeið sem henta öllum verðandi foreldrum. Sjá námskeið sem eru í boði

Næringarráðgjöf

Heilbrigðisstarfsfólk á heilsugæslustöðvum vísar einstaklingum í viðtöl hjá næringarfræðingi.

Sykursýki 2

Boðið er upp á hópfræðslu um sykursýki 2. Sjá hóptíma sem eru í boði

Heimastöð

Heilsubrú er heimastöð lyfjafræðinga sem veita þjónustu á heilsugæslustöðvum og skólahjúkrunarfræðinga í framhaldsskólum.