Bætt sjálfsmat með HAM

Námskeiðið

Hugræn atferlismeðferð (HAM) er árangursrík leið til að takast á við tilfinningavanda, þar á meðal vanda tengdu lágu sjálfsmati.

Sjálfsmat er sú skoðun eða viðhorf sem við höfum til okkar sjálfra og þegar við höfum neikvæð viðhorf til okkar þá veldur það oft vanlíðan, erfiðleikum í samskiptum (t.d. að setja öðrum mörk) og ýmislegt fleira sem farið verður nánar í á námskeiðinu.

Á námskeiðinu verður farið í hvernig sjálfsmat mótast, hvað það er sem viðheldur lágu sjálfsmati og hvernig við getum haft áhrif á sjálfsmat okkar með breyttri hegðun og hugsun.

Meðferðin er ætluð einstaklingum 18 ára og eldri, hún felur í sér fræðslu, umræður og heimaverkefni.

Umsjón

Námskeiðið er haldið á vegum Heilsubrúar Heilsugæslu höfuðborgarsvæðisins.

Umsjónarmaður námskeiðsins er Guðrún Ágústa Eyjólfsdóttir sálfræðingur.

Leiðbeinendur námskeiðsins eru Þorgerður Guðmundsdóttir sálfræðingur og meistaranemar í klínískri sálfræði undir handleiðslu Þorgerðar og Guðrúnar Ágústu.

Fyrirkomulag

Hóptímarnir fara fram Þönglabakka 1, 109 Reykjavík, 2. hæð. (Það er sami inngangur og fyrir Læknasetrið, Gáski sjúkraþjálfun og Tannlæknar Mjódd).

Það eru að hámarki 12 einstaklingar í hverjum hópi sem hittist einu sinni í viku í 6 vikur, tvo tíma í senn.

Þau sem hafa áhuga á námskeiðinu byrja á því að mæta í kynningartíma þar sem sagt er frá þeim meðferðarúrræðum sem boðið er upp á hjá Heilsubrú.

Þau sem ákveða að taka þátt í námskeiðinu greiða 16.000 kr. fyrir námskeiðið.

Meðferðin er ætluð einstaklingum 18 ára og eldri.

Skráning

Þau sem vilja taka þátt byrja á að skrá sig í stuttan kynningartíma um HAM námskeiðin sem eru í boði hjá Heilsubrú.

Greitt er 500 kr. þátttökugjald fyrir kynningartímann.

Opna skráningarsíðu fyrir kynningartíma

Hafið samband á heilsubru@heilsugaeslan.is ef staðfestingarpóstur berst ekki og ef forföll verða.