Fögnum næsta áfanga

Fræðsla um breytingaskeið kvenna

Nú er í boði fræðsla um breytingaskeið kvenna á vegum Kvenheilsu Heilsugæslu höfuðborgarsvæðinsins.

Þar er farið yfir þær líkamlegu og andlegu breytingar sem konur geta upplifað á þessu lífsskeiði. Markmiðið er að dýpka skilning og þekkingu kvenna á breytingaskeiðinu. Haft er að leiðarljósi að þær verði betur undirbúnar að takast á við þetta lífskeið, finni meiri vellíðan og ró og ekki síst geti tekið upplýsta ákvörðun um sín næstu skref.

Skoðuð verða þau bjargráð sem konur geta nýtt sér til að bæta líðan og lífsgæði ásamt fræðslu um meðferðarmöguleika. Einnig verður farið yfir áhrif breytingaskeiðs á heilsu kvenna til framtíðar, nánd í parasamböndum og síðast en ekki síst jákvæðar hliðar breytingaskeiðins. 

Fræðslan fer fram í hóptímum og það er eru 12-14 konur í hverjum tíma.

Hóptíminn hentar öllum konum sem langar til að fræðast um breytingaskeiðið. Í framhaldi af tímanum býðst áframhaldandi þjónusta sem skýrt verður frá í fræðslunni.

Einnig er boðið upp á hóptíma fyrir pör. Þar geta makar kvennanna komið með.

Umsjón

Hóptíminn er haldinn á vegum Kvenheilsu Heilsugæslu höfuðborgarsvæðinsins.

Leiðbeinendur eru Sólrún Ólína Sigurðardóttir, hjúkrunarfræðingur og Steinunn Zophoníasdóttir, ljósmóðir. Meistaraverkefni þeirra beggja fjölluðu um breytingaskeið kvenna. 

Fyrirkomulag

Hóptímarnir fara fram hjá Kvenheilsu í Þönglabakka 6, 109 Reykjavík, 3. hæð. Það er sami inngangur og í Heilsugæsluna Mjódd. 

Greitt er 500 kr. þátttökugjald við skráningu hér á vefnum.

Staðfestingarpóstur er sendur á netfang þátttakanda við skráningu. 

Mikilvægt er að tilkynna forföll tímanlega.

Hafið samband á heilsugaeslan@heilsugaeslan.is ef staðfestingarpóstur berst ekki og ef forföll verða.

Dagsetningar og skráning

Hóptímar fyrir konur

  • Þriðjudagur 6. desember, kl. 15:30 - 17:30
  • Miðvikudagur 7. desember, kl. 8:30 - 10:30
  • Þriðjudagur 13. desember, kl. 15:30 - 17:30 -  Uppbókað
  • Miðvikudagur 14. desember, kl. 8:30 - 10:30
  • Þriðjudagur 20. desember, kl. 15:30 - 17:30
  • Miðvikudagur 21. desember, kl 8:30 - 10:30
  • Þriðjudagur 3. janúar, kl. 15:30 - 17:30
  • Miðvikudagur 4. janúar, kl 8:30 - 10:30
  • Miðvikudagur 11. janúar, kl 8:30 - 10:30
  • Þriðjudagur 17. janúar, kl 15:30 - 17:30
  • Miðvikudagur 18. janúar, kl 8:30 - 10:30
  • Þriðjudagur 24. janúar, kl 15:30 - 17:30
  • Miðvikudagur 25. janúar kl 8:30 - 10:30
  • Þriðjudagur 31. janúar, kl 15:30 - 17:30
  • Miðvikudagur 1. febrúar, kl 8:30 - 10:30
  • Þriðjudagur 7. febrúar, kl 15:30 - 17:30
  • Miðvikudagur 8. febrúar, kl 8:30 - 10:30
  • Þriðjudagur 21. febrúar, kl 15:30 - 17:30
  • Miðvikudagur 22. febrúar, kl 8:30 - 10:30
  • Þriðjudagur 28. febrúar, kl 15:30 - 17:30
  • Miðvikudagur 1. mars, kl 8:30 - 10:30

Skráningarsíða - hóptímar fyrir konur

Hóptímar fyrir pör

  • Þriðjudagur 10. janúar, kl. 15:30-17:30 

Skráningarsíða - hóptímar fyrir pör

 

 

 

Fannst þér efnið hjálplegt?

Rusl-vörn


Af hverju ekki?

Rusl-vörn