Þú getur séð hvaða stöð er þín á Mínum síðum Heilsuveru og í Réttindagátt sjúkratrygginga.
Þú getur skráð þig á heilsugæslustöð að eigin vali í Réttindagátt eða á stöðinni sjálfri.
Öllum er velkomið á skrá sig á stöðina og við tökum vel á móti þér.
Almennar upplýsingar
Heilsugæslan er opin 8:00 - 16.00
Bókuð móttaka, heilsuvernd og símaráðgjöf
Skyndimóttaka og síðdegisvakt
Skyndimóttaka fyrir smáslys og bráð veikindi 9:00 til 15:00. Síðdegisvakt 16:00 til 17:00. Vinsamlega pantið tíma.
Hvað viltu gera?
Lyfjaendurnýjun er í gegnum sjálfvirkan símsvara 513-6002 alla virka daga frá kl. 9:00 til 11:00.
Ef þú nærð ekki að skilja eftir skilaboð er hringt til baka í númerið sem hringt var úr.
Líka er hægt að óska eftir endurnýjun á mínum síðum Heilsuveru.
Þú getur bókað tíma í heilsuvera.is eða með því að hringja á stöðina.
Ef þú getur ekki beðið eru samdægurstímar, skyndimóttaka eða síðdegisvakt möguleiki.
Það er alltaf hægt að fá símasamband við hjúkrunarfræðing sem kemur erindi þínu í farveg eða leiðbeinir þér með önnur úrræði
Blóðtaka er alla virka daga frá kl. 8:00 til 9:30.
Bóka þarf tíma í blóðgjöf og alltaf þarf beiðni frá lækni að liggja fyrir.
Þvagsýni afhendast fyrir hádegi í afgreiðslu Heilsugæslunnar Mjódd, 2. hæð, Þönglabakka 6.
Alltaf skal koma með fyrsta morgunþvag (miðbunuþvag) nema annað hafi verið tekið fram. Þvagsýni þarf að vera í þar til gerðu íláti og merkt nafni og kennitölu.
Örugg gagnaskil
Hægt er að senda gögn með öruggum hætti til Heilsugæslunnar Mjódd með Signet transfer. Nauðsynlegt er að hafa rafræn skilríki. Hlekkur í örugg gagnaskil
Allir eru velkomnir á stöðina
Heilsugæslan Mjódd þjónar einkum íbúum neðra Breiðholts, það er hverfi 109, Bökkum, Stekkjum og Seljahverfi , en allir eru velkomnir á stöðina. Skráning er í gegnum Réttindagátt sjúkratrygginga.
Nánari upplýsingar um stöðina og þjónustu hennar eru í flipunum hér fyrir ofan: Læknisþjónusta, Hjúkrunarþjónusta, Opin móttaka, Heilsuverndin, Sálfræðiþjónusta og Um stöðina.
Með rafrænum skilríkjum er hægt að bóka tíma, endurnýja lyf og senda einfaldar fyrirspurnir á mínum síðum á Heilsuvera.is
Við tökum vel á móti þér
Hvað hentar þér best?
Það eru nokkrar leiðir að þjónustu læknanna okkar.
Hvaða leið hentar þér best?
Heimilislæknar á stöðinni eru með bókaða viðtalstíma frá kl. 8 - 16 og er hver tími 20 mínútur.
Þú getur bókað tíma í gegnum mínar síður á Heilsuvera.is eða með því að hringja á stöðina.
Á hverjum degi eru fráteknir nokkrir tímar sem eru ætlaðir fyrir skyndileg veikindi. Hjúkrunarfræðingar bóka í þessa tíma eftir að hafa metið erindi þitt.
Síðdegisvaktin opin milli kl. 16 og 17 mánudaga til föstudaga..
Vinsamlega pantið tíma.
Í símaviðtali svara læknar stuttorðum fyrirspurnum, veita einfaldar ráðleggingar og/eða gefa upplýsingar um niðurstöður rannsókna.
Oft er þægilegra að senda stuttar fyrirspurnir í gegnum mínar síður á Heilsuvera.is. Milli kl. 8 og 16 er líka alltaf hægt að fá símasamband við hjúkrunarfræðing í síma 513-6000.
Símaviðtöl við lækna eru pöntuð í síma 513-6000.
Hægt er að óska eftir lyfjaendurnýjun rafrænt á Heilsuvera.is eða í síma. Þar er hægt að endurnýja lyf sem tekin eru að staðaldri og ávísað hefur verið af læknum stöðvarinnar.
Venjulega eru þessar lyfjaendurnýjanir tilbúnar til afgreiðslu í lyfjaverslunum eftir kl. 16:00 sama dag.
Rafræn lyfjaendurnýjun
Einfaldast er að óska eftir lyfjaendurnýjun á Heilsuvera.is. Þú þarft að hafa rafræn skilríki.
Lyfjaendurnýjun í síma
Lyfjaendurnýjun er í gegnum sjálfvirkan símsvara 513-6002 alla virka daga frá kl. 9:00 til 11:00.
Ef þörf er á veikindavottorði vegna skóla eða vinnu þarf að tilkynna veikindin á heilsugæslustöðina sem fyrst eftir að veikindi hefjast.
Í stuttum veikindum er tekið á móti beiðnum um veikindavottorð vegna skóla í síma: 513-6000.
Hafa skal beint samband við lækni vegna lengri veikinda og annarra vottorða s.s. vinnuveitendavottorða.
Heimilislæknar gera tilvísanir til annarra sérfræðilækna ef þarf.
Bóka þarf tíma hjá heimilislækni vegna tilvísana.
Börn sem eru með tilvísun frá heimilislækni borga ekki fyrir þjónustu sérfræðinga sem þeim er vísað til.
Tilvísanir gilda oftast í ár en hægt er að láta þær gilda lengur ef um langvinnan vanda er að ræða.
Læknar stöðvarinnar
Hjá okkur starfa sérfræðingar í heimilislækningum en einnig almennir læknar, sérnámslæknar og unglæknar.
- Anna Daníelsdóttir, heimilislæknir - í leyfi
- Brynja Steinarsdóttir heimilislæknir
- Eydís Óska Jónasdóttir, sérnámslæknir
- Hafsteinn Freyr Hafsteinsson, heimilislæknir, fagstjóri lækninga
- Halla Björnsdóttir, sérnámslæknir
- Hjördís Ýr Bogadóttir, sérnámslæknir
- Ína Rós Helgadóttir, heimilislæknir
- Kári Sigurðarson, sérnámslæknir
- Rúnar G. Stefánsson, læknir
- Sigurbjörn Sveinsson, heimilislæknir
Þjónusta hjúkrunarfræðinga
Símaþjónusta hjúkrunarfræðinga
Hægt er að fá símaráðgjöf hjá hjúkrunarfræðingi frá kl. 8:00 til 16:00, alla virka daga í síma 513-6000.
Ef hjúkrunarfræðingurinn er upptekinn tekur móttökuritari niður skilaboð og haft er samband um leið og færi gefst.
Einnig bendum við á símaráðgjöf hjúkrunarfræðinga heilsugæslunnar alla daga frá kl. 8:00 til 22:00 í síma 513-1700 og í netspjalli á heilsuvera.is.
Opin móttaka
Skyndimóttaka fyrir smáslys og bráð veikindi. Hægt er að koma í móttökuna á dagvinnutíma.
Öllum erindum sem koma í móttökuna er sinnt, annaðhvort með því að veita þjónustuna á staðnum eða vísa í þann farveg sem við á í hverju tilviki. Á móttökunni starfa hjúkrunarfræðingar og læknar.
Lestu meira um opna móttöku í Heilsugæslunni Mjódd
Bókuð móttaka
Hægt að bóka tíma í móttöku hjúkrunarfræðinga.
Í bókaðri móttöku er tekið á móti erindum sem eru ekki bráð s.s. ferðamannaheilsuvernd, sárameðferð, saumatökur og smáaðgerðir. Framkvæmdar eru rannsóknir og mælingar, t.d. mælingar á blóðþrýstingi, blóðsykri, heyrn og sjón.
Hjúkrunarfræðingar sinna einnig erindum sem flokkast undir heilsuvernd, forvarnir og lífsstíl.
Hjúkrunarfræðingar stöðvarinnar
- Alexandra Pantic, hjúkrunarfræðingur
- Eva Kristín Hreinsdóttir, hjúkrunarfræðingur
- Guðrún Jakobsdóttir, hjúkrunarfræðingur/ljósmóðir
- Guðrún Sigurðardóttir, hjúkrunarfræðingur
- Helen Valdís Sigurðardóttir, hjúkrunarfræðingur
- Hlín Árnadóttir, hjúkrunarfræðingur/ljósmóðir
- Íris Friðriksdóttir, hjúkrunarfræðingur (í leyfi)
- Kristbjörg Eva Hreiðarsdóttir, hjúkrunarfræðingur
- Kristín Rún Friðriksdóttir, hjúkrunarfræðingur
- Kristín Þorbjörnsdóttir, hjúkrunarfræðingur, svæðisstjóri og fagstjóri hjúkrunar
- Þórunn Einarsdóttir, hjúkrunarfræðingur (í leyfi)
Við erum á vaktinni allan daginn
Skyndimóttaka fyrir smáslys og bráð veikindi
Móttakan er opin á dagvinnutíma og þar er tekið á móti bráðaerindum og veitt smáslysaþjónusta.
Þar leitar fólk aðstoðar eða ráðgjafar þegar um er að ræða veikindi, vanlíðan, óþægindi eða slys.
Til dæmis er algengt að foreldrar með veik börn fái ráðleggingar varðandi umönnun og aðstoð við að meta þörf fyrir frekari þjónustu.
Einnig leita margir ráða vegna lyfjatöku eða vantar leiðbeiningar til að rata um heilbrigðiskerfið.
Öllum erindum sem koma í móttökuna er sinnt, annaðhvort með því að veita þjónustuna á staðnum eða vísa í þann farveg sem við á í hverju tilviki.
Starfsmenn í opinni móttöku
Í móttökunni starfa hjúkrunarfræðingar og læknar stöðvarinnar.
Heilsuvernd mæðra, ung- og smábarna, skólabarna, eldra fólks og allra hinna
Við fylgjumst með heilsu og þroska frá móðurkviði til unglingsára í mæðravernd, ung- og smábarnavernd og heilsuvernd skólabarna.
Á fullorðinsárum bjóðum við aðstoð við heilsueflingu með ráðgjöf, eftirliti og bólusetningum og heilsuvernd sem er ætluð eldri borgurum.
Heilsuvernd og heilsuefling
Heilsuverndin hefst á mæðravernd.
Mæðraverndarþjónustan er ókeypis og verðandi mæður geta annað hvort farið á heilsugæslustöð í sínu hverfi eða valið aðra stöð og skráð sig á hana.
Ljósmæður stöðvarinnar:
- Guðrún Jakobsdóttir
- Hlín Árnadóttir
Viðtöl og skoðanir eru í boði frá upphafi meðgöngu og fram að fæðingu. Fyrsta viðtal við ljósmóður er gjarnan í síma fljótlega eftir að þungun er staðfest. Fjöldi mæðraskoðana fer svo eftir aðstæðum, oftast 8-10 skipti. Milli skoðana er hægt að fá símaráðgjöf hjá ljósmóður.
Ung- og smábarnavernd tekur við af mæðravernd þegar fjölskyldan kemur heim og heimaþjónustu ljósmæðra lýkur.
Fyrstu vikurnar eftir fæðingu fara hjúkrunarfræðingar stöðvarinnar í vitjanir heim til fjölskyldunnar. Foreldrar eru því beðnir um að hafa samband við hjúkrunarfræðing fljótlega eftir að heim er komið. Fyrsta læknisskoðun á heilsugæslustöðinni er svo við 6 vikna aldur.
Síðan eru reglubundnar skoðanir hjá hjúkrunarfræðingi og lækni til skólaaldurs. Þá fylgjumst við með vexti og þroska barnanna og bólusetjum. Í skoðunum ráðleggjum við m.a. um brjóstagjöf, svefnvandamál, aga og uppeldi, matarræði og slysavarnir. Auk þess er alltaf hægt að fá samband við hjúkrunarfræðing ef spurningar vakna varðandi barnið.
Hjúkrunarfræðingar í ung- og smábarnavernd:
- Guðrún Jakobsdóttir, ljósmóðir
- Hlín Árnadóttir, ljósmóðir
- Kristbjörg Eva Heiðarsdóttir
- Kristín Þorbjörnsdóttir
Heilsuvernd skólabarna tekur við þegar ung- og smábarnavernd lýkur.
Skólahjúkrunarfræðingar sjá um heilsuvernd skólabarna á þjónustusvæði stöðvarinnar.
- Breiðholtsskóli: Kristrún Rún Friðriksdóttir
- Seljaskóli: Kristbjörg Eva Heiðarsdóttir
- Ölduselsskóli: Kristbjörg Eva Heiðarsdóttir
Hægt er að fá símasamband við skólahjúkrunarfræðingana í gegnum skiptiborð skólanna.
Heilsuverndin tekst á við heilsuáskoranir fullorðinsára í heilsueflandi móttöku.
Þar aðstoðum við þig við heilbrigðan lífsstíl með mælingum, ráðgjöf og stuðningi.
Oft kemur heilsueflandi móttaka til aðstoðar í framhaldi af viðtali við lækni en þú getur líka haft samband við hjúkrunarfræðing á stöðinni þinni ef þú þarft á þessari þjónustu að halda.
Hjúkrunarfræðingar í heilsueflandi móttöku:
- Kristín Rún Friðriksdóttir
- Guðrún Sigurðardóttir
Við höfum það að leiðarljósi að mæta fólki þar sem það er statt og gera því kleift að búa sem lengst á eigin heimili.
Hafðu samband við okkur og pantaðu viðtal hjá hjúkrunarfræðingi í Heilsuvernd eldra fólks.
- Eva Kristín Hreinsdóttir, hjúkrunarfræðingur
- Guðrún Sigurðardóttir, hjúkrunarfræðingur
Í viðtölum eru m.a. veittar upplýsingar um þá þjónustu sem eldri borgurum stendur til boða í nærsamfélaginu. Við greinum áhættuþætti varðandi heilsufar og ráðleggjum um fyrirbyggjandi aðgerðir og meðhöndlun sjúkdóma svo eldra fólk viðhaldi sem lengst andlegri, líkamlegri og félagslegri færni sinni.
Þeir sem eru 70 ára og eldri eru hvattir til að panta tíma hjá okkur í almennt eftirlit þar sem heimilislæknir fer yfir lyfjalista, mælir blóðþrýsting, blóðsykur og fleira ef þarf.
Leghálsskimun
Ljósmæður og hjúkrunarfræðingar annast sýnatöku fyrir skimun vegna krabbameins í leghálsi.
Skimanir eru á stöðinni til skiptis aðra hvora viku á miðvikudögum eftir hádegi og föstudögum fyrir hádegi.
Ef það er komið að þér í skimun má panta tíma á mínum síðum heilsuveru eða með símtali.
Lestu meira um leghálskrabbameinsskimun
Hreyfiseðill
Hreyfiseðill er meðferðarúrræði við sjúkdómum, sem vitað er að regluleg hreyfing getur haft umtalsverð áhrif á.
Heimilislæknar, ljósmæður, hjúkrunarfræðingar og sálfræðingar vísa til sjúkraþjálfara. Ef þú heldur að hreyfiseðill henti þér, pantar þú fyrst tíma hjá þínum lækni.
- Sjúkraþjálfari stöðvarinnar er Edda Ýrr Guðmundsdóttir.
- Lestu meira um hreyfiseðla
Klínískur lyfjafræðingur
Verkefni lyfjafræðingsins er einkum að fara yfir lyfjalista hjá þeim sem eru á mörgum lyfjum. Markmiðið er að draga úr lyfjatengdum vandamálum.
Heimilislæknar eða hjúkrunarfræðingar vísa til klíníska lyfjafræðingsins. Ef þú heldur að þjónusta lyfjafræðings henti þér, pantar þú fyrst tíma hjá þínum lækni.
- Klíníski lyfjafræðingur stöðvarinnar er Elísabet Jónsdóttir
Þjónusta sálfræðinga
Læknar stöðvarinnar vísa til sálfræðinga þannig að fyrsta skrefið er að panta tíma hjá heimilislækni.
Sólveig Eyfeld Unnarsdóttir sálfræðingur sinnir meðferð og ráðgjöf fyrir börn og unglinga.
Svavar Már Einarsson sálfræðingur sinnir meðferð og ráðgjöf fyrir fullorðna
HAM námskeið
Námskeið í hugrænni atferlismeðferð (HAM) eru í boði fyrir fullorðna skjólstæðinga stöðvarinnar.
Samvinna fyrir þig
Heilsugæslan Mjódd þjónar einkum íbúum neðra Breiðholts, það er hverfi 109, Bökkum, Stekkjum og Seljahverfi, en allir eru velkomnir a stöðina.
Við veitum samfellda þjónusta með hag einstaklingsins og fjölskyldunnar í huga. Fagleg afstaða er tekin til allra erinda og annað hvort leyst úr þeim eða ráðlagt um önnur úrræði.
Þjónustan byggir á sérþekkingu starfstétta og þverfaglegri samvinnu.
Um heilsugæslustöðina
Heilsugæslustöðvum er stýrt af svæðisstjóra.
Fagstjórar lækninga og hjúkrunar leiða faglegt starf.
- Svæðisstjóri og fagstjóri hjúkrunar: Kristín Þorbjörnsdóttir
- Fagstjóri lækninga: Hafsteinn Freyr Hafsteinsson
- Skrifstofustjóri: Perla Torfadóttir
Allt starfsfólk stöðvarinnar er samkvæmt lögum, ráðningarsamningum og siðareglum heilbrigðisstétta bundið þagnarheiti um allt er varðar hagi þess fólks sem það sinnir.
Við viljum vita hvað þér finnst um þjónustu okkar. Þú getur sent okkur tölvupóst eða talað beint við starfsfólkið. Ábendingar um hvað betur má fara hjálpa okkur að gera enn betur.
Fannst þér efnið hjálplegt?
Já