Þjónusta við allra hæfi í móttöku

Móttakan á heilsugæslustöðinni þinni er opin frá kl. 8 til 16 og þar sinna hjúkrunarfræðingar fjölbreyttum erindum fólks á öllum aldri.

Opin móttaka á daginn

Móttakan er opin á dagvinnutíma og þar er tekið á móti bráðaerindum og veitt smáslysaþjónusta.

Þar leitar fólk aðstoðar eða ráðgjafar þegar um er að ræða veikindi, vanlíðan, óþægindi eða slys.

Til dæmis er algengt að foreldrar með veik börn fái ráðleggingar varðandi umönnun og aðstoð við að meta þörf fyrir frekari þjónustu.

Einnig leita margir ráða vegna lyfjatöku eða til að fá leiðsögn um heilbrigðiskerfið.

Öllum erindum sem koma í móttökuna er sinnt, annaðhvort með því að veita þjónustuna á staðnum eða vísa í þann farveg sem við á í hverju tilviki.

Á dagvinnutíma er alltaf hægt að fá símasamband við hjúkrunarfræðing í skyndimóttöku.

Hringdu á undan þér ef þú ert með einkenni sem benda til COVID-19.

Bókuð móttaka hjúkrunarfræðinga

Hægt að bóka tíma í móttöku hjúkrunarfræðinga.

í bókaðri móttöku er tekið á móti erindum sem eru ekki bráð s.s. ferðamannaheilsuvernd, sárameðferð, saumatökum og smáaðgerðum

Einnig er boðið upp á lífsstíls- og sykursýkisráðgjöf.

Hjúkrunarfræðingar sinna einnig erindum sem flokkast undir heilsuvernd, forvarnir og lífsstíl.

Heilsueflandi móttaka

Hjúkrunarfræðingur metur heilsu og þörf fyrir heilsueflingu í samráði við skjólstæðing.

Við leggjum áherslu á einstaklingsmiðaða nálgun, stuðning við breytingar og raunhæfa markmiðasetningu.

Teymisvinna er með öðrum starfsmönnum stöðvarinnar eftir þörfum.

Oft kemur heilsueflandi móttaka til aðstoðar í framhaldi af viðtali við lækni en þú getur líka haft samband við hjúkrunarfræðing á stöðinni þinni ef þú þarft á þessari þjónustu aða halda.

Fannst þér efnið hjálplegt?

Já