Meðferðarnámskeið við OCD

Sumarhópnámskeið fyrir unglinga með OCD

Um námskeiðið

Tilraunaúrræðið Sumarnámskeið fyrir unglinga með OCD verður haldið 18. maí til 1. júní 2022.

Þetta meðferðarnámskeið er fyrir foreldra og unglinga á aldrinum 12-18 ára, fæðingarár 2004-2009.

Námskeiðið er á vegum Geðheilsumiðstöðvar barna (áður Þroska- og hegðunarstöð) hjá Heilsugæslu höfuðborgarsvæðisins og Sálfræðideildar Háskóla Íslands.

Í hópnum verða 6-10 unglingar sem glíma við OCD. Hver og einn hefur sinn þjálfara eða meðferðaraðila í hverjum tíma. Reyndir sálfræðingar í heilsugæslunni (alls sjö) og sálfræðikandídatar hjá HÍ (alls þrír) eru meðferðaraðilar á námskeiðinu. 

Fyrirkomulag

Á OCD sumarnámskeiðinu fá allir fræðslu um hvað OCD er og hvernig það skemmir fyrir manni dagsdaglega. Unglingarnir læra aðferðir til að minnka þráhyggjur og áráttur.

Í hverjum tíma gera unglingar líka talsvert af æfingum, hver og einn með sínum þjálfara. Þegar unglingarnir vinna verkefni á námskeiðinu og taka þátt í áskorunum/æfingum til að streitast á móti OCD-inu, þá vinna þau sér inn stig sem þau geta skipta út fyrir ýmis gjafakort. 

Hluti af námskeiðinu felur í sér að foreldrar mæta einnig í hóptíma með hinum foreldrunum til að skilja betur OCD, hvernig áhrif það hefur í daglegu lífi og hvaða verkfæri duga til að streitast á móti því. Foreldratímunum verður stýrt af reyndum sálfræðingi. 

Könnun

OCD sumarnámskeiðið er nýtt tilraunaúrræði hjá heilsugæslunni. Námskeiðið var þróað í Kanada og góð reynsla er af því þar. Til kanna hvort námskeiðið reynist eins vel hérlendis verðu gerð rannsókn á árangrinum.

Foreldrar og unglingar sem taka þátt í námskeiðinu verða beðnir um að svara  spurningalista fyrir námskeið, eftir námskeið og aftur 6 
mánuðum eftir að námskeiðið klárast.  Það er alveg frjálst að svara spurningalistunum  en í hvert sinn sem foreldrar og unglingar svara listunum fá þau sitthvort gjafabréfið í bíó.

Dagskrá

Meðferðarnámskeið er daglega 2.5 tíma í senn í 10 skipti, eða í 2 vikur alls samfellt

  • Tími 1 - Miðvikudagur 18. maí
    Unglingar: kl. 13:00-15:30 - Foreldrar: kl. 13:00-15:30
  • Tími 2 -  Fimmtudagur 19. maí
    Unglingar: kl. 13:00-15:30
  • Tími 3 - Föstudagur 20. maí
    Unglingar: kl. 13:00-15:30
  • Tími 4 - Mánudagur 23. maí
    Unglingar: kl. 13:00-15:30
    Foreldrar: kl. 13:00-15:30
  • Tími 5 - Þriðjudagur 24. maí
    Unglingar: kl. 13:00-15:30
  • Tími 6 - Miðvikudagur 25. maí
    Unglingar: kl. 13:00-15:30

  • Tími 7 - Föstudagur 27. maí
    Unglingar: kl. 13:00-15:30 - Foreldrar: kl. 13:00-15:30
  • Tími 8 - Mánudagur 30. maí
    Unglingar: kl. 13:00-15:30 - Foreldrar: kl. 13:00-15:30
  • Tími 9 - Þriðjudagur 31. maí
    Unglingar: kl. 13:00-15:30
  • Tími 10 - Miðvikudagur 1. júní - Lokatími og útskrift
    Unglingar: kl. 13:00-15:30 - Foreldrar: kl. 13:00-15:30

Fimmtudagur 26. maí er uppstigningardagur og þá er enginn tími

Hafðu samband

Ef unglingurinn þinn er greindur með OCD sem er hamlandi í daglegu lífi, hafðu endilega samband við okkur  til þess að athuga hvort námskeiðið gæti hentað ykkur sem meðferðarúrræði. 

Athugið að það lokar fyrir skráningu þann 3.maí, en foreldrum er velkomið að hafa samband fyrir frekari upplýsingar um áframhald námskeiðs síðar. 

Námskeiðsgjald er 25.000 kr.

Meðferðin er niðurgreidd með styrkjum frá Lýðheilsusjóði Landlæknisembættisins, Heilbrigðisráðuneytinu og Barnavinafélaginu Sumargjöf. 

Fannst þér efnið hjálplegt?

Rusl-vörn


Af hverju ekki?

Rusl-vörn