Almennar upplýsingar

icon

Almennur þjónustutími 8:20-12:00 og 12:45-16:00



icon

Svarað er í síma 9:00-12:00 og 12:45-15:00



Um starfsemina

Meginsvið starfsemi Heilbrigðisskoðunar innflytjenda er að veita flóttamönnum, hælisleitendum og öðrum innflytjendum frá löndum utan Evrópska efnahagssvæðisins heilbrigðisskoðun eftir komuna til landsins. 

Heilbrigðisskoðun innflytjenda er staðsett í Móttökumiðstöð umsækjenda um alþjóðlega vernd í Domus Medica ásamt lögreglu, útlendingastofnun og fleiri aðilum.

Flutt í Domus Medica

Heilbrigðisskoðun innflytjenda, áður Göngudeild sóttvarna, er flutt í Domus Medica, Egilsgötu 3, 101 Reykjavík.

Sálfræðingar eru enn staðsettir í Þönglabakka 1.

Verið er að móta fyrirkomulag þjónustunnar og upplýsingar verða uppfærðar hér.

Ferðamannabólusetningar eru nú bara á heilsugæslustöðvum. Upplýsingamiðstöð sér um ráðgjöf varðandi ferðamannabólusetningar í netspjalli á heilsuvera.is.

Berklavarnir eru nú á Landspítala.

Heilbrigðisskoðun innflytjenda

Heilbrigðisskoðun innflytjenda annast skoðun flóttamanna og hælisleitenda og annarra innflytjenda eftir komuna til landsins og gefur út heilbrigðisvottorð þeim til handa sem sækja um atvinnu- og dvalarleyfi á Íslandi.

 

Fyrir útgáfu vottorðs þarf að fara fram heilbrigðisskoðun í samræmi við ákvæði sóttvarnalaga nr. 19/1997 og reglugerðar nr. 131/1999. Heilbrigðisskoðunin, sem vottorðið byggir á, fer þannig fram:

 

  • Viðtal og skoðun læknis.
  • Í flestum tilfellum eru gerðar eftirfarandi rannsóknir: 
    • Berklapróf hjá þeim sem eru 35 ára og yngri.  
    • Tekin er röntgenmynd af lungum hjá þeim sem eru eldri en 35 ára til að útiloka virka berkla.
  •  Blóðprufa þar sem leitað er að: 
    •  HIV / Alnæmi  
    •  Lifrarbólgu B og C  
    •  Sárasótt
  • Í einstaka tilfellum metur læknir það svo að ástæða sé til að gera aðrar rannsóknir á grundvelli sögu sjúklings.

 

Þeir sem fara í berklapróf þurfa að koma tvisvar. Aflestur á berklaprófi fer fram 2-3 sólarhringum eftir að próf er gert. Ef berklapróf er jákvætt er tekin lungnamynd til að útiloka virka berkla.

 

Ef niðurstöður HIV-, lifrarbólgu- og / eða sárasóttarprófa gefa tilefni til er sjúklingur boðaður aftur til viðtals og greidd leið til bestu úrræða á Landspítala háskólasjúkrahúsi.

 

Ef allar niðurstöður eru eðlilegar skrifar læknir heilbrigðisvottorð.

 

Gera má ráð fyrir að útgáfa vottorðs taki 1-2 vikur.

 

 

magnifier
StarfsmennStarfsheitiSímiNetfang
Ansgar Bruno JonesHeimilislæknir513-5130
Dagný BaldvinsdóttirFagstjóri hjúkrunar513-5130
Guðrún JónsdóttirHeimilislæknir513-5130
Hjördís Inga Guðmundsdóttir Sálfræðingur513-5130
Hólmfríður BerentsdóttirHjúkrunarfræðingur513-5130
Ingigerður JónasdóttirHeilsugæsluritari513-5130
Jónas Haukur EinarssonSálfræðingur513-5130
Rannveig Eir HelgadóttirHjúkrunarfræðingur513-5130
Sigríður A. PálmadóttirHjúkrunarfræðingur513-5130
Sigríður Birta KjartansdóttirHjúkrunarfræðingur513-5130
Sigrún KristjánsdóttirHjúkrunarfræðingur/ljósmóðir513-5130

Fannst þér efnið hjálplegt?

Rusl-vörn


Af hverju ekki?

Rusl-vörn