Heimilislæknar á stöðinni eru með bókaða viðtalstíma frá kl. 8 - 16 og er hver tími 20 mínútur.

Þú bókar tíma í gegnum mínar síður á Heilsuveru eða með því að hringja á stöðina.

Á hverjum degi eru fráteknir nokkrir tímar sem eru ætlaðir fyrir skyndileg veikindi. Hjúkrunarfræðingar bóka í þessa tíma eftir að hafa metið erindi þitt.

Læknar stöðvarinnar eru með síðdegisvakt milli kl. 16 og 17, mánudaga til föstudaga. Vinsamlega pantið tíma.

 

Vaktin er ætluð fyrir bráð erindi og aðeins eitt vandamál í hverju viðtali.

Afgreiðsla á síðdegisvakt verður ekki sú sama og í fyrirfram pöntuðum tíma að degi til. Við biðjum skjólstæðinga okkar að taka tillit til þess.

Komugjöld eru hærri eftir kl. 16:00

Í símaviðtali svara læknar stuttorðum fyrirspurnum, veita einfaldar ráðleggingar og/eða gefa upplýsingar um niðurstöður rannsókna.

Oft er þægilegra að senda stuttar fyrirspurnir í gegnum í mínar síður í Heilsuveru. Milli kl. 8 og 16 er líka alltaf hægt að fá símasamband við hjúkrunarfræðing í síma 513-5800.

Símaþjónusta lækna er sem hér segir:

• Arna Kristín Andrésdóttir
  Símtöl pöntuð samdægurs fyrir kl. 11 mánudaga, þriðjudaga, miðvikudaga og föstudaga, í síma 513-5800 og hún  hringir til baka milli 11-12
• Einar Eyjólfsson 
  Símtöl pöntuð samdægurs virka daga fyrir kl. 11 í síma 513-5800 og hann hringir til baka milli 11-12
• Gissur Atli Sigurðarson 
  Símtöl pöntuð samdægurs fyrir kl. 11 mánudaga, þriðjudaga, fimmtudaga og föstudaga, í síma 513-5800 og hann hringir til baka milli 11-12
• Guðbrandur E. Þorkelsson
  Símtöl pöntuð samdægurs virka daga fyrir kl. 11 í síma 513-5800 og hann hringir til baka milli 11-12
• Guðmundur Ingi Georgsson
  Símtöl pöntuð samdægurs þriðjudaga, miðvikudaga fimmtudaga og föstudaga  fyrir kl. 11 í síma 513-5800 og hann hringir til baka milli 11-12
  
• Hjörtur Þór Hauksson
  Símatími mánudaga og þriðjudaga milli kl. 9:00 og 9:30 í síma 513-6811 
  
• Kristjana Kjartansdóttir
  mánudaga kl. 9:30 - 10:00 í síma 513-6812
  þriðjudaga pöntuð símtöl 5135800 fyrir kl. 11 í síma 513-5800 og hún hringir til baka milli 11-12
  
• Kristján Oddsson
  Símtöl pöntuð samdægurs virka daga fyrir kl. 11 í síma 513-5800 og hann hringir til baka innan dags
• Þuríður Eiríksdóttir
  Símtöl pöntuð samdægurs fyrir kl. 11 mánudaga, þriðjudaga, miðvikudaga og föstudaga í síma 513-5800 og hún hringir til baka milli 11-12

Hægt er að óska eftir lyfjaendurnýjun rafrænt eða í síma. Þar er hægt að endurnýja lyf sem tekin eru að staðaldri og ávísað hefur verið af læknum stöðvarinnar.

Venjulega eru þessar lyfjaendurnýjanir tilbúnar til afgreiðslu  í lyfjaverslunum eftir kl. 16:00 sama dag.

 

Rafræn lyfjaendurnýjun

Einfaldast er að óska eftir lyfjaendurnýjun á Heilsuvera.is. Þú þarft að hafa rafræn skilríki.  

 

Lyfjaendurnýjun í síma

Lyfjaendurnýjun er virka daga frá kl. 9:00 til 11:00 í síma 513-5802. Ritarar taka við beiðnum um endurnýjun.

Lestu meira um lyfjaskömmtun, fjölnota lyfseðlar og hvaða lyf er ekki hægt að endurnýja rafrænt eða í gegnum síma

Ef þörf er á veikindavottorði vegna skóla eða vinnu þarf að tilkynna veikindin á heilsugæslustöðina sem fyrst eftir að veikindi hefjast.

 

Í stuttum veikindum er tekið á móti beiðnum um veikindavottorð vegna skóla í síma: 513-5800.

 

Hafa skal beint samband við lækni vegna lengri veikinda og annarra vottorða s.s. vinnuveitendavottorða.

Læknar stöðvarinnar skrifa gjarnan tilvísanir til sérgreinalækna.

Þegar farið er til sérgreinalækna vinsamlegast biðjið þá um að senda heimilislækni læknabréf.

• Hvað er gert í mæðravernd í heilsugæslunni?

• Lestu um meðgöngu og fæðingu á Heilsuveru

Ung- og smábarnavernd tekur við af mæðravernd þegar fjölskyldan kemur heim og heimaþjónustu ljósmæðra lýkur.

 

Fyrstu vikurnar eftir fæðingu fara hjúkrunarfræðingar stöðvarinnar í vitjanir heim til fjölskyldunnar. Foreldrar eru því beðnir um að hafa samband við hjúkrunarfræðing fljótlega eftir að heim er komið. Fyrsta læknisskoðun á heilsugæslustöðinni er svo við 6 vikna aldur.

Síðan eru reglubundnar skoðanir hjá hjúkrunarfræðingi og lækni til skólaaldurs. Þá fylgjumst við með vexti og þroska barnanna og bólusetjum. Í skoðunum ráðleggjum við m.a. um brjóstagjöf, svefnvandamál, aga og uppeldi, matarræði og slysavarnir. Auk þess er alltaf hægt að fá samband við hjúkrunarfræðing ef spurningar vakna varðandi barnið.

 

• Hvað gerum við í ung-og smábarnavernd?

• Í Heilsuveru er mikið af hjálplegu efni fyrir foreldra

Heilsuvernd skólabarna tekur við þegar ung- og smábarnavernd lýkur.

 

Hjúkrunarfræðingar og læknar á heilsugæslustöðinni sjá um heilsuvernd skólabarna á þjónustusvæði stöðvarinnar.

 

• Kársnesskóli við Kópavogsbraut 

• Kópavogsskóli við Digranesveg

• Snælandsskóli við Víðigrund
  

 

Hægt er að fá símasamband við skólahjúkrunarfræðingana í gegnum skiptiborð skólanna.

 

• Hvað gerum við í heilsuvernd skólabarna?

• Í Heilsuveru er fróðlegt efni fyrir börn, ungmenni og foreldra

Heilsuverndin tekst á við heilsuáskoranir fullorðinsára í heilsueflandi móttöku.

 

Þar aðstoðum við þig við heilbrigðan lífsstíl með mælingum, ráðgjöf og stuðningi.

Oft kemur heilsueflandi móttaka til aðstoðar í framhaldi af viðtali við lækni en þú getur líka haft samband við hjúkrunarfræðing á stöðinni þinni ef þú þarft á þessari þjónustu að halda.

 

• Hvað gerum við í Heilsueflandi móttöku?

Við höfum það að leiðarljósi að mæta fólki þar sem það er statt og gera því kleift að búa sem lengst á eigin heimili.

Hafðu samband við okkur og pantaðu viðtal hjá hjúkrunarfræðingi í Heilsuvernd eldra fólks.

Í viðtölum eru m.a. veittar upplýsingar um þá þjónustu sem eldri borgurum stendur til boða í nærsamfélaginu. Við greinum áhættuþætti varðandi heilsufar og ráðleggjum um fyrirbyggjandi aðgerðir og meðhöndlun sjúkdóma svo eldra fólk viðhaldi sem lengst andlegri, líkamlegri og félagslegri færni sinni.

Þeir sem eru 70 ára og eldri eru hvattir til að panta tíma hjá okkur í almennt eftirlit þar sem heimilislæknir fer yfir lyfjalista, mælir blóðþrýsting, blóðsykur og fleira ef þarf.

 

• Hvað gerum við í heilsuvernd eldra fólks?

• Fróðleikur í Heilsuveru um heilsu og líðan eldra fólks