Þú getur séð hvaða stöð er þín á Mínum síðum Heilsuveru og í Réttindagátt sjúkratrygginga.
Þú getur skráð þig á heilsugæslustöð að eigin vali í Réttindagátt eða á stöðinni sjálfri.
Öllum er velkomið á skrá sig á stöðina og við tökum vel á móti þér.
Almennar upplýsingar
Heilsugæslan er opin 8:00 - 16.00
Bókuð móttaka, heilsuvernd og símaráðgjöf
Skyndimóttaka og síðdegisvakt
Skyndimóttaka fyrir smáslys og bráð veikindi 8:15 - 15:30 nema þriðjudaga 9:00 - 15:30. Síðdegisvakt mánudaga til föstudaga milli kl. 16 og 17. Bóka þarf tíma á síðdegisvaktina.
Hvað viltu gera?
Lyfjasíminn er 513-5502 milli kl. 10:00 og 12:00 virka daga.
Líka er hægt að óska eftir endurnýjun á mínum síðum Heilsuveru.
Þú getur bókað tíma í heilsuveru eða með því að hringja á stöðina. Ef þú getur ekki beðið eru samdægurstímar, skyndimóttaka eða síðdegisvakt möguleiki.
Það er alltaf hægt að fá símasamband við hjúkrunarfræðing sem kemur erindi þínu í farveg eða leiðbeinir þér með önnur úrræði
Blóðprufur eru að jafnaði teknar milli kl. 8:15 og 9:30.
Bóka þarf tíma og beiðni þarf alltaf að liggja fyrir.
.jpg?proc=150x150)
Við tökum vel á móti þér
Örugg gagnaskil
Hægt er að senda gögn með öruggum hætti til Heilsugæslunnar Garðabæ með Signet transfer. Nauðsynlegt er að hafa rafræn skilríki. Hlekkur í örugg gagnaskil
Allir eru velkomnir á stöðina
Heilsugæslan Garðabæ þjónar fyrst og fremst íbúum Garðabæjar, en allir eru velkomnir á stöðina. Skráning er í gegnum Réttindagátt sjúkratrygginga.
Nánari upplýsingar um stöðina og þjónustu hennar eru í flipunum hér fyrir ofan: Læknisþjónusta, Opin móttaka, Heilsuverndin, Sálfræðiþjónusta og Um stöðina.
Með rafrænum skilríkjum er hægt að bóka tíma og endurnýja lyf á mínum síðum á Heilsuvera.is
Hvað hentar þér best?
Það eru nokkrar leiðir að þjónustu læknanna okkar.
Hvaða leið hentar þér best?
Heimilislæknar á stöðinni eru með bókaða viðtalstíma frá kl. 8 - 16 og er hver tími 20 mínútur.
Þú bókar tíma í gegnum mínar síður á Heilsuveru eða með því að hringja á stöðina.
Á hverjum degi eru fráteknir tímar sem eru ætlaðir fyrir skyndileg veikindi.
Hægt er að bóka samdægurstíma í síma 513-5500.
Læknar stöðvarinnar með síðdegisvakt, mánudaga til föstudaga milli kl. 16 og 17.
Bóka þarf tíma á síðdegisvaktina.
Í símaviðtali svara læknar stuttorðum fyrirspurnum, veita einfaldar ráðleggingar og/eða gefa upplýsingar um niðurstöður rannsókna.
Hægt að fá símasamband við hjúkrunarfræðing í síma 513-5500. milli kl. 8:10 og 15 alla virka daga nema þriðjudaga milli kl. 9 og 15.
Símtal við lækni þarf að panta í síma 513-5502 milli kl. 8:30 og 9:30.
Áslaug Gunnarsdóttir: þriðjudaga, miðvikudaga og fimmtudaga
Ásmundur Jónasson: alla virka daga nema fimmtudaga
Gerður A. Árnadóttir: mánudaga og föstudaga
Gísli Þ. Júlíusson: mánudaga, miðvikudaga og fimmtudaga
Guðrún Hreinsdóttir: mánudaga og miðvikudaga
Hafije Zogaj: alla virka daga nema þriðjudaga
Héðinn Sigurðsson: mánudaga, þriðjudaga og fimmtudaga
Margrét Lára Jónsdóttir: alla virka daga nema miðvikudaga
Hægt er að óska eftir lyfjaendurnýjun rafrænt eða í síma. Þar er hægt að endurnýja lyf sem tekin eru að staðaldri og ávísað hefur verið af læknum stöðvarinnar.
Venjulega eru þessar lyfjaendurnýjanir tilbúnar til afgreiðslu í lyfjaverslunum eftir kl. 16:00 sama dag.
Rafræn lyfjaendurnýjun
Einfaldast er að óska eftir lyfjaendurnýjun í Heilsuvera.is. Þú þarft að hafa rafræn skilríki.
Lyfjaendurnýjun í síma
Lyfjaendurnýjun er virka daga frá kl. 10:00 til 12:00 í síma 513-5502. Ritarar taka við beiðnum um endurnýjun og koma þeim til viðkomandi læknis.
Ef þörf er á veikindavottorði vegna skóla eða vinnu þarf að tilkynna veikindin á heilsugæslustöðina sem fyrst eftir að veikindi hefjast.
Í stuttum veikindum er tekið á móti beiðnum um veikindavottorð vegna skóla í síma 513-5500.
Hafa skal beint samband við lækni vegna lengri veikinda og annarra vottorða s.s. vinnuveitendavottorða.
Læknar stöðvarinnar skrifa gjarnan tilvísanir til sérgreinalækna.
Þegar farið er til sérgreinalækna vinsamlegast biðjið þá um að senda heimilislækni læknabréf.
Læknar stöðvarinnar
Hjá okkur starfa sérfræðingar í heimilislækningum en einnig almennir læknar, sérnámslæknar og unglæknar.
- Áslaug Gunnarsdóttir, sérfræðingur í heimilislækningum
- Ásmundur Jónasson, sérfræðingur í heimilislækningum
- Gerður A. Árnadóttir, sérfræðingur í heimilislækningum
- Guðrún Hreinsdóttir, sérfræðingur í heimilislækningum
- Hafije Zogaj, sérfræðingur í heimilislækningum
- Héðinn Sigurðsson, sérfræðingur í heimilislækningum
- Hróðmar Helgason, sérnámslæknir í heimilislækningum
- Ingibjörg Heiðdal, sérnámslæknir í heimilislækningum
- Margrét Lára Jónsdóttir, sérfræðingur í heimilislækningum
- Sólborg Heimisdóttir, læknir
- Þórey Bergsdóttir, læknir
- Þórhildur H. Guðjónsdóttir sérnámslæknir í heimilislækningum - í leyfi
Við erum á vaktinni allan daginn
Símaþjónusta hjúkrunarfræðinga
Hjúkrunarfræðingar veita símaráðgjöf alla virka daga.
Hægt er að panta símtal í síma 513-5500. Hjúkrunarfræðingur hefur samband um leið og færi gefst.
Einnig bendum við á símaráðgjöf hjúkrunarfræðinga heilsugæslunnar alla daga frá kl. 8:00 til 22:00 í síma 513-1700 og í netspjalli á heilsuvera.is.
Skyndimóttaka fyrir smáslys og bráð veikindi
Það er líka hægt að koma í móttökuna milli kl. 8:15 og 15.30 alla virka daga, nema þriðjudaga milli kl. 9:00 og 15.30.
Öllum erindum sem koma á vaktina er sinnt, annaðhvort með því að veita þjónustuna á staðnum eða vísa í þann farveg sem við á í hverju tilviki.
Bókuð móttaka
Í bókaðri móttöku er tekið á móti erindum sem eru ekki bráð, s.s. ferðamannaheilsuvernd, sárameðferð og saumatökur.
Hvað er í gert í opnu móttökunni?
Algengt er að fólk leiti aðstoðar eða ráðgjafar þegar um er að ræða veikindi, vanlíðan, óþægindi eða slys.
Til dæmis er algengt að foreldrar með lasin börn fái ráðleggingar varðandi umönnun og aðstoð við að meta þörf fyrir frekari þjónustu.
Einnig leita margir ráða vegna lyfjatöku eða vantar leiðbeiningar til að rata um heilbrigðiskerfið.
Hjúkrunarfræðingar sinna einnig erindum sem flokkast undir heilsuvernd, forvarnir og lífsstíl
Framkvæmdar eru rannsóknir og mælingar, t.d. mælingar á blóðþrýstingi
Heilsuvernd mæðra, ung- og smábarna, skólabarna, eldra fólks og allra hinna
Við fylgjumst með heilsu og þroska frá móðurkviði til unglingsára í mæðravernd, ung- og smábarnavernd og heilsuvernd skólabarna.
Á fullorðinsárum bjóðum við aðstoð við heilsueflingu með ráðgjöf, eftirliti og bólusetningum og heilsuvernd sem er ætluð eldri borgurum.
Heilsuvernd og heilsuefling
Heilsuverndin hefst á mæðravernd.
Mæðraverndarþjónustan er ókeypis og verðandi mæður geta annað hvort farið á heilsugæslustöð í sínu hverfi eða valið aðra stöð og skráð sig á hana.
Viðtöl og skoðanir eru í boði frá upphafi meðgöngu og fram að fæðingu. Fyrsta viðtal við ljósmóður er gjarnan í síma fljótlega eftir að þungun er staðfest. Fjöldi mæðraskoðana fer svo eftir aðstæðum, oftast 8-10 skipti. Milli skoðana er hægt að fá símaráðgjöf hjá ljósmóður.
Ung- og smábarnavernd tekur við af mæðravernd þegar fjölskyldan kemur heim og heimaþjónustu ljósmæðra lýkur.
Fyrstu vikurnar eftir fæðingu fara hjúkrunarfræðingar stöðvarinnar í vitjanir heim til fjölskyldunnar. Foreldrar eru því beðnir um að hafa samband við hjúkrunarfræðing fljótlega eftir að heim er komið. Fyrsta læknisskoðun á heilsugæslustöðinni er svo við 6 vikna aldur.
Síðan eru reglubundnar skoðanir hjá hjúkrunarfræðingi og lækni til skólaaldurs. Þá fylgjumst við með vexti og þroska barnanna og bólusetjum. Í skoðunum ráðleggjum við m.a. um brjóstagjöf, svefnvandamál, aga og uppeldi, matarræði og slysavarnir. Auk þess er alltaf hægt að fá samband við hjúkrunarfræðing ef spurningar vakna varðandi barnið.
Heilsuvernd skólabarna tekur við þegar ung- og smábarnavernd lýkur.
Hjúkrunarfræðingar og læknar á heilsugæslustöðinni sjá um heilsuvernd skólabarna í grunnskólum Garðabæjar
- Flataskóli
- Hofsstaðaskóli
- Garðaskóli
- Sjálandsskóli
- Barnaskóli Hjallastefnunnar
- Álftanesskóli
- Alþjóðaskólinn
- Urriðaholtsskóli
Hægt er að fá símasamband við skólahjúkrunarfræðingana í gegnum skiptiborð skólanna.
Heilsuverndin tekst á við heilsuáskoranir fullorðinsára í heilsueflandi móttöku.
Þar aðstoðum við þig við heilbrigðan lífsstíl með mælingum, ráðgjöf og stuðningi.
Oft kemur heilsueflandi móttaka til aðstoðar í framhaldi af viðtali við lækni en þú getur líka haft samband við hjúkrunarfræðing á stöðinni þinni ef þú þarft á þessari þjónustu að halda.
Varðandi sérstök heilsufarsvandamál eldra fólks, 70 ára og eldri, er bent á að panta tíma hjá heimilislækni.
Leghálsskimun
Ljósmæður og hjúkrunarfræðingar annast sýnatöku fyrir skimun vegna krabbameins í leghálsi.
Skimanir eru á stöðinni eftir hádegi á fimmtudögum.
Ef það er komið að þér í skimun má panta tíma á mínum síðum heilsuveru eða með símtali.
Lestu meira um leghálskrabbameinsskimun
Hreyfiseðill
Hreyfiseðill er meðferðarúrræði við sjúkdómum, sem vitað er að regluleg hreyfing getur haft umtalsverð áhrif á.
Heimilislæknar, hjúkrunarfræðingar, ljósmæður og sálfræðingar vísa til sjúkraþjálfara. Ef þú heldur að hreyfiseðill henti þér, pantar þú fyrst tíma hjá þínum lækni.
- Sjúkraþjálfari stöðvarinnar er Margrét H. Indriðadóttir
- Lestu meira um hreyfiseðla
Þjónusta sálfræðinga
Læknar stöðvarinnar vísa til sálfræðinga þannig að fyrsta skrefið er að panta tíma hjá heimilislækni.
Magnús Baldursson sálfræðingur sinnir meðferð og ráðgjöf fyrir börn og unglinga.
Kristbjörg Þórisdóttir sálfræðingur sinnir meðferð og ráðgjöf fyrir fullorðna.
HAM námskeið
Námskeið í hugrænni atferlismeðferð (HAM) eru í boði fyrir fullorðna skjólstæðinga stöðvarinnar.
Samvinna fyrir þig
Heilsugæslan Garðabæ þjónar einkum íbúum Garðabæjar en allir eru velkomnir á stöðina.
Við veitum samfellda þjónusta með hag einstaklingsins og fjölskyldunnar í huga. Fagleg afstaða er tekin til allra erinda og annað hvort leyst úr þeim eða ráðlagt um önnur úrræði.
Þjónustan byggir á sérþekkingu starfstétta og þverfaglegri samvinnu.
Um heilsugæslustöðina
Heilsugæslustöðvum er stýrt af svæðisstjóra.
Fagstjórar lækninga og hjúkrunar leiða faglegt starf
- Svæðisstjóri og fagstjóri lækninga: Ásmundur Jónasson
- Fagstjóri hjúkrunar: Margrét Björnsdóttir
- Skrifstofustjóri: Anna Garðarsdóttir
Allt starfsfólk stöðvarinnar er samkvæmt lögum, ráðningarsamningum og siðareglum heilbrigðisstétta bundið þagnarheiti um allt er varðar hagi þess fólks sem það sinnir.
Við viljum vita hvað þér finnst um þjónustu okkar. Þú getur sent okkur tölvupóst eða talað beint við starfsfólkið. Ábendingar um hvað betur má fara hjálpa okkur að gera enn betur.
Fannst þér efnið hjálplegt?
Já