Móttökuritari - sumarafleysing í heimahjúkrun
Heilsugæsla höfuðborgarsvæðisins auglýsir laust til umsóknar 60-100% sumarstarf móttökuritara í heimahjúkrun. Viðkomandi þarf að geta hafið störf 15. júní nk. eða eftir samkomulagi. Heimahjúkrun Heilsugæslu höfuðborgarsvæðisins (HH) sinnir heimahjúkrun í Kópavogi, Garðabæ, Hafnarfirði og Mosfellsumdæmi. Heimahjúkrun HH er með aðsetur í nýju og stórglæsilegu húsnæði að Miðhrauni 4 í Garðabænum. Hlutverk heimahjúkrunar er að veita einstaklingsmiðaða hjúkrun þar sem forvarnir, heilsuvernd, heilsuefling, fagleg þekking og samstarf er höfð að leiðarljósi. Einstaklingshæfð heimahjúkrun er sérsniðin að þörfum hvers og eins.
Helstu verkefni og ábyrgð
Starfið felst í símsvörun, móttöku sýna og lyfja, skráningu gagna, uppgjöri, og ýmsum öðrum tilfallandi verkefnum. Að auki gefur móttökuritari almennar upplýsingar um starfsemi heimahjúkrunar.
Hæfnikröfur
- Reynsla af móttökuritarastarfi er æskileg
- Mikil samskiptahæfni og rík þjónustulund
- Góð almenn tölvukunnátta
- Reynsla af Sögukerfi er æskileg
- Góð íslenskukunnátta
- Nokkur færni í ensku er æskileg
Nánari Lýsing
Umsókn skal fylgja ítarleg náms- og starfsferilsskrá og staðfestar upplýsingar um menntun. Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, framkvæmdastjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík. Öllum umsóknum verður svarað þegar ákvörðun um ráðningu hefur verið tekin. Tekið er mið af jafnréttisstefnu Heilsugæslu höfuðborgarsvæðisins við ráðningu í starfið. Umsókn getur gilt í 6 mánuði.
Frekari upplýsingar um starfið
Laun samkvæmt gildandi kjarasamningi fjármálaráðherra og viðkomandi stéttarfélags.
Starfshlutfall er 60 - 100%
Umsóknarfrestur er til og með 30.05.2025
Nánari upplýsingar veitir
Hildur Sigurjónsdóttir - hildur.sigurjonsdottir@heilsugaeslan.is - 5136922
HH Heimahjúkrun á Suðursvæði, hjúkrun
Miðhraun 4
210 Garðabær