Málastjóri - Geðheilsuteymi HH vestur
Heilsugæsla höfuðborgarsvæðisins (HH) leitar að einstaklingi í starf málastjóra við Geðheilsuteymi HH vestur sem er þverfaglegt meðferðarteymi. Teymið er til húsa að Skúlagötu 21. Um er að ræða 80-100% tímabundið starf til eins árs með möguleika á áframhaldandi ráðningu. Æskilegt er að viðkomandi geti hafið störf 1. júní eða eftir nánara samkomulagi.
Við Geðheilsuteymi HH vestur starfa reynslumiklir hjúkrunarfræðingar, geðlæknar, sálfræðingar, notendafulltrúi, félagsráðgjafar, fjölskyldufræðingar, iðjuþjálfi, íþróttafræðingur og skrifstofustjóri þar sem unnið er í þéttri og góðri samvinnu að málum þjónustuþega í jákvæðu og hvetjandi starfsumhverfi. Áhersla er lögð á að veita einstaklingsmiðaðan stuðning og handleiðslu. Unnið er eftir batahugmyndafræði þar sem einstaklingsmiðuð þjónusta ýtir undir styrkleika og bjargráð notenda.
Boðið verður upp á 3 mánaða innleiðingu í starf með mentor og áhersla lögð á að veita einstaklingsmiðaðan stuðning og handleiðslu.
Ef þú hefur áhuga á vinna í fjölbreytilegri samfélagsgeðþjónustu og í öflugri teymisvinnu, þar sem góður starfsandi ríkir, þá er þetta spennandi tækifæri.
Helstu verkefni og ábyrgð
- Málastjórn, þ.e. hafa umsjón og yfirlit yfir meðferð og úrræði notendahóps
- Vinna í þverfaglegu meðferðarteymi
- Samþætta meðferð og leita leiða til að bæta líðan þjónustuþega
- Setja fram meðferðaráætlun og sinna reglulegu endurmati
- Námskeiðahald
- Sinna ráðgjöf og fræðslu til notenda og aðstandenda
- Viðtöl á starfsstöð og/eða í heimavitjunum
- Skipulagning og þátttaka í fjölskyldufundum
- Samstarf við aðra fagaðila innan og utan heilsugæslunnar
- Þátttaka í þróun og uppbyggingu meðferðarteymis
Hæfnikröfur
- Starfsleyfi frá Landlækni, hjúkrunarfræði eða félagsráðgjöf.
- Viðbótarnám eða sérnám, sem nýtist í starfi æskilegt
- Reynsla af vinnu með einstaklinga með geðraskanir skilyrði
- Reynsla af teymisvinnu æskileg
- Framúrskarandi samskiptahæfni, framsýni og metnaður í starfi skilyrði
- Frumkvæði í starfi og góðir skipulagshæfileikar
- Hæfni og geta til að starfa í þverfaglegu teymi
- Faglegur metnaður og ábyrgð í starfi
- Reynsla af fræðslu- og námskeiðahaldi æskileg
- Hæfni og áhugi á verkefnavinnu
- Góð íslenskukunnátta og góð almenn tölvukunnátta skilyrði
Nánari Lýsing
Umsókn skal fylgja ítarleg náms- og starfsferilskrá og kynningarbréf þar sem gerð er grein fyrir ástæðu umsóknar. Leggja skal fram staðfestar upplýsingar um menntun, fyrri störf og reynslu. Gögn sem ekki er hægt að senda rafrænt skulu berast Svövu Þorkelsdóttur, framkvæmdarstjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík. HH áskilur sér rétt til þess að óska eftir hreinu sakavottorði.
Mat á hæfni umsækjenda byggist á innsendum gögnum og viðtölum við umsækjendur. Tekið er mið af jafnréttis- og mannréttindastefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði.
Frekari upplýsingar um starfið
Laun samkvæmt gildandi kjarasamningi fjármálaráðherra og viðkomandi stéttarfélags.
Starfshlutfall er 80 - 100%
Umsóknarfrestur er til og með 08.05.2024
Nánari upplýsingar veitir
Hrönn Harðardóttir - Hronn.hardardottir@heilsugaeslan.is - 513-6360
HH Geðheilsuteymi vestur
Skúlagata 21
101 Reykjavík