Þjónusta heilsugæslunnar við innflytjendur utan Evrópska efnahagssvæðisins og hælisleitendur verður hér eftir veitt í Móttökumiðstöð umsækjenda um alþjóðlega vernd í Domus Medica, Egilsgötu 3. Þar geta þessir hópar einnig fengið þjónustu hjá lögreglu, Útlendingastofnun og fleiri aðilum.
Fyrirkomulag þjónustunnar er enn í mótun og fyrst um sinn verður sálfræðiþjónusta við innflytjendur og hælisleitendur veitt í Þönglabakka 1.
Ferðamannabólusetningar, sem áður voru veittar á Göngudeild sóttvarna, verða hér eftir veittar á heilsugæslustöðvum. Upplýsingamiðstöð heilsugæslunnar mun sjá um ráðgjöf varðandi ferðamannabólusetningar í netspjalli á vefnum Heilsuvera.
Meginhlutverk Heilbrigðisskoðunar innflytjenda er að veita fólki sem flyst til landsins frá löndum utan Evrópska efnahagssvæðisins heilbrigðisskoðun við komuna til landsins. Nánari upplýsingar um starfsemina má finna hér.