Nú er fjöldabólusetningum lokið í bili á höfuðborgarsvæðinu og sumarleyfi hafin.
Næstu vikur verður bólusett eftir þörfum á Suðurlandsbraut 34. Bólusett er alla virka daga og mæting er kl. 14 stundvíslega.
Þessi bólusetning er fyrir þá sem geta alls ekki beðið þar til eftir miðjan ágúst og hámarkið hvern dag eru 100 einstaklingar. Þar sem aðeins er um lágmarksmönnun að ræða verður fólk að reikna með einhver bið geti orðið. (Uppfært 20. júlí)
Bólusett er með Pfizer og Janssen alla virka daga. Seinni skammtur af AstraZeneca er mánudaga til fimmtudaga og Moderna er á miðvikudögum.
Þetta á ekki við um börn 12 -15 ára nema í sérstökum tilvikum. Til dæmis ef fólk er að flytja erlendis eða börnin eru með áhættuþætti m.t.t. alvarlegra veikinda vegna COVID-19. Sóttvarnalæknir mælir ekki með almennum bólusetningum hraustra barna 12-15 ára við COVID-19 að svo stöddu.
Sjá einnig: Fleiri algengar spurningar um bólusetningar
Ef nánari upplýsinga er þörf má hafa samband við netspjall á heilsuvera.is. Netspjallið er opið á milli kl. 8 og 22 alla daga.
Vika 33 (16. til 20. ágúst)
Í þessari viku verða miðlægar fjöldabólusetningar fyrir þá sem þurfa Pfizer endurbólusetningu eða örvunarskammt. Sjá nánar hér: Dagskrá bólusetninga - Vika 33
Vika 34 (23. til 27. ágúst)
Bólusetningar 12-15 ára barna á höfuðborgarsvæðinu eru fyrirhugaðar 23. og 24. ágúst í Laugardalshöll. Sjá nánar hér: Bólusetning 12-15 ára barna
Útgáfudagur fréttar var 15. júlí. Síðast uppfært 10.ágúst.