Bólusetning í Laugardagshöllinni 16. mars - Fædd 1944 eða fyrr

Mynd af frétt Bólusetning í Laugardagshöllinni 16. mars - Fædd 1944 eða fyrr
12.03.2021

Þriðjudaginn 16. mars mun heilsugæslan bjóða öllum íbúum á höfuðborgarsvæðinu sem eru fæddir 1944 eða fyrr, COVID-19 bólusetningu í Laugardalshöllinni.

Boð um bólusetninguna hafa verið send með SMS skilaboðum. Fólk er beðið um að fylgja tímasetningu sem þar kemur fram. 

Þeir sem eru á þessum aldri en hafa ekki fengið SMS skilaboð geta komið í Laugardalshöllina þennan dag, milli kl. 9:00 og 15:00 fengið bólusetningu. 

Fyrirkomulag

Allir eru beðnir um að mæta með skilríki og við minnum á grímuskyldu.

Bólusett er í axlarvöðva og í almennu rými. Því biðjum við fólk um að koma klætt þannig að auðvelt sé að ná í stungustaðinn. Gott er að vera í stuttermabol innst klæða. 

Allir þurfa að bíða í 15 mínútur eftir að bólusetning er gefin. 

Hafi fólk bráðaofnæmi við stungulyfjum, eða af óþekktum toga, er ekki ráðlegt að bólusetja það. Þeir sem ekki þiggja bólusetningu eru beðnir um að láta vita á bolusetning@heilsugaeslan.is eða i síma 513-5000.

Upplýsingablað um bólusetningu í Laugardalshöll

Frestun Astra Zeneca bólusetningar

Astra Zeneca bólusetningu sem átti að vera miðvikudaginn 17. mars hefur verið frestað tímabundið. 

Öll sem fengu boð, eru búin að fá annað boð um að henni hafi verið frestað. Þau munu svo fá enn annað boðið þegar línur skýrast.