Sigríður Dóra Magnúsdóttir hefur verið ráðin framkvæmdastjóri lækninga hjá Heilsugæslu höfuðborgarsvæðisins til næstu fimm ára.
Hún er sérfræðingur í heimilislækningum og lauk diplómanámi í opinberri stjórnsýslu fyrir stjórnendur í heilbrigðisþjónustu frá Háskóla Íslands árið 2011.
Sigríður Dóra hefur meira en aldarfjórðungs reynslu sem sérfræðingur í heimilislækningum og áratuga reynslu sem stjórnandi í heimilislækningum. Hún var yfirlæknir Heilsugæslunnar Seltjarnarnesi í 9 ár, yfirlæknir Heilsugæslunnar Miðbæ og síðar svæðisstjóri á sömu stöð í rúm 10 ár.
Einnig hefur Sigríður Dóra sinnt kennslu sem Aðjúnkt við læknadeild HÍ í samskiptafræði frá árinu 2011 ásamt stundakennslu og handleiðslu læknanema og námslækna í aldarfjórðung. Undanfarin tvö ár hefur hún að auki sinnt sérstakri handleiðslu sérnámslækna.
Þá hefur hún gegnt ýmsum félags- og trúnaðarstörfum, m.a. í Læknafélagi Reykjavíkur, Félagi íslenskra heimilislækna og Félagi yfirlækna á heilsugæslustöðvum.
Frá því í janúar hefur Sigríður Dóra verið settur framkvæmdastjóra lækninga en er ráðin formlega frá 15. maí.
Við bjóðum Sigríði Dóru velkomna til áframhaldandi starfa hjá Heilsugæslu höfuðborgarsvæðisins.