Frá og með 7. janúar næstkomandi er boðið upp á opna morgunmóttöku í Heilsugæslunni Mjódd. Þetta er liður í að auka aðgengi að þjónustu stöðvarinnar og stytta bið eftir viðtalstíma.
Hægt er að koma á stöðina milli kl. 8:30 og 9:30 alla virka daga og hitta lækni án þess að bóka tíma.
Miðað er við að hvert viðtal sé 10 mínútur og aðeins eitt erindi eða vandamál í viðtali.
Komugjald er það sama og fyrir aðrar komur til lækna á dagvinnutíma.
Enn er boðið upp á síðdegisvakt milli kl. 16:00 og 18:00 alla virka daga. Panta þarf tíma á síðdegisvakt og þá er komugjald hærra.