Umsóknarfrestur um starf framkvæmdastjóra hjúkrunar hjá Heilsugæslu höfuðborgarsvæðisins rann út 10. september síðastliðinn. Fjórir umsækjendur eru um starfið.
Umsækjendur eru:
- Margrét Grímsdóttir
- Oddfríður R Þórisdóttir
- Ólöf Petrína Alfreðsdóttir Anderson
- Ragnheiður Ósk Erlendsdóttir
Heilsugæsla höfuðborgarsvæðisins veitir íbúum höfuðborgarsvæðisins aðgengilega, samfellda og alhliða heilsugæsluþjónustu. Þjónustan grundvallast á sérþekkingu á sviði heimilislækninga, hjúkrunar og heilsuverndar og byggir á víðtæku þverfaglegu samstarfi.
Heilsugæslan á að vera fyrsti viðkomustaðurinn í heilbrigðisþjónustunni þar sem öllum þörfum notenda er mætt og þeim leiðbeint yfir í önnur kerfi heilbrigðisþjónustunnar eftir því sem þörf er á.