Svæðisstjóri heimahjúkrunar HH

Mynd af frétt Svæðisstjóri heimahjúkrunar HH
01.04.2016

Sigrún Barkardóttir hefur verið ráðinn svæðisstjóri heimahjúkrunar HH.

Staðan var auglýst í febrúar og átta umsóknir bárust.

Heimahjúkrun HH í Hafnarfirði, Garðabæ og Kópavogi er ný sameinuðuð þjónusta heimahjúkrunar sem samkvæmt tímaáætlun á að hefja starfsemi í maí 2016.

Sigrún er með  BS gráðu í hjúkrunarfræði frá Háskóla Íslands og meistaranám í heilsugæsluhjúkrun frá Minnesotaháskóla í Minneapolis. Sigrún hefur frá 2015 stundað diplómanám við stjórnmálafræðideild Háskóla Íslands í opinberri stjórnsýslu fyrir stjórnendur í heilbrigðisþjónustu og mun ljúka því námi í vor. 

Sigrún fékk sérfræðiviðurkenningu í heilsugæsluhjúkrun árið 2015. Hún hefur gegnt starfi yfirhjúkrunarfræðings í 10 ár við Heilsugæsluna Glæsibæ og starfar nú sem fagstjóri hjúkrunar við þá stöð. Hún gegndi stöðu lektors í heilsugæsluhjúkrun frá 2001-2003 og hefur síðan verið stundakennari við hjúkrunarfræðideild Háskóla Íslands.  

Sigrún hefur mikla reynslu af stjórnun, klínísku starfi og kennslu í heilsugæslu.

Við bjóðum Sigrúnu velkomna til nýrra starfa hjá Heilsugæslu höfuðborgarsvæðisins.