Nýlega veitti Kvenfélag Garðabæjar Þroska- og hegðunarstöð (ÞHS) styrk að upphæð 200 þúsund til kaupa á tækjum sem nýtast í faglegri vinnu á stöðinni.
Styrkurinn verður nýttur til að festa kaup á myndavél og spjaldtölvu (iPad) til að nota við ráðgjöf og þjálfun.
Katrín Davíðsdóttir barnalæknir veitti styrknum móttöku á fundi kvenfélagsins, þar sem hún flutti stutta kynningu á starfsemi ÞHS.
Á myndinni eru frá vinstri Jóna Rún Gunnarsdóttir formaður Kvenfélags Garðabæjar og Katrín Davíðsdóttir.