Fræðadagar heilsugæslunnar 18. og 19. nóvember 2010.
Grand Hótel, Reykjavík.
Ramminn
Þingið verður haldið á Grand Hótel Reykjavík, frá kl. 12:00 til 16:30 á fimmtudegi og frá kl. 8.30 til 16:00 á föstudeginum. Sjá nánar hér að neðan. Að auki er möguleiki að halda námskeið í tengslum við þingið fyrir hádegi á fimmtudeginum 18. nóvember.
Dagskrá
Stefnt er að því að hafa fjölbreytilega dagskrá sem gæti höfðað til sem flestra starfsmanna heilsugæslunnar. Þar verður lögð áhersla á umræður í minni hópum (smiðjum) auk hefðbundinna aðalfyrirlestra, málþinga og frjálsra erinda. Ekki er gert ráð fyrir spjaldþingum (poster sessions). Dagskrá og fyrirlestrar verða að mestu birt á netsíðum.
Helstu viðfangsefni þingsins verða væntanlega:
- Stjórnun, starfsmannastefna og stefnumörkun
- Ásýnd stöðva og viðfangsefni ritara, móttökuritara og kerfisstjóra
- Lífsstíls-/örlaga-sjúkdómar (hjarta, reykingar, offita, sykursýki, geðraskanir o.fl.
- Geðræn vandamál og félagsleg aðstaða, fjölskyldur, skóli o.fl.
- Krabbamein
- Forvarnir (einkum innan mæðraverndar, ung- og smábarnaverndar, tannverndar og skólaheilsugæslu)
- Fjölskylduvernd
- Skimanir
- Öldrunarmál
- Málefni innflytjenda
- Almannatengsl (PR kontaktar)
- Þroska og hegðunarvandamál
- Kennsla og vísindi í heilsugæslu
Yfirumsjón og undirbúningur
Anna Margrét Guðmundsdóttir læknir hefur tekið að sér yfirumsjón með Fræðadögum 2010.
Mótun dagskrár er í fullum gagni, en allar hugmyndir og vinnuframlag er vel þegið. Frestur til að senda inn efni rennur út 15. september.
Nánari upplýsingar veita:
Anna Margrét Guðmundsdóttir
Jóhann Ág. Sigurðsson
Myndin er frá Fræðadögum 2009