Fólk með undirliggjandi sjúkdóma og þungaðar konur sem eru í forgangshópi fyrir bólusetningu við inflúensu A(H1N1)v geta nú byrjað að panta tíma í bólusetningu sem hefst 2. nóvember.
Með „undirliggjandi sjúkdómum“ er átt við eftirfarandi:
- Hjartasjúkdóma einkum hjartabilun, alvarlega kransæðasjúkdóma og alvarlega meðfædda hjartasjúkdóma.
- Öndunarfærasjúkdóma sem þarfnast stöðugrar fyrirbyggjandi lyfjameðferðar (meðal annars astma).
- Hormónasjúkdóma (insúlínháða sykursýki og barksteraskort).
- Tauga- og vöðvasjúkdóma sem truflað geta öndun.
- Alvarlega lifrarsjúkdóma (skorpulifur).
- Mikla offitu.
- Ónæmisbælandi sjúkdóma (á til dæmis við um krabbameinsmeðferð og líffæraþega).
Pantanir eru í aðalsímum heilsugæslustöðvanna. Vinsamlega sýnið biðlund því álagið er mikið.
Í Heilsugæslunni Grafarvogi eru tímapantanir í síma 585-7631 eða 585-7638.