Nú er í boði fræðsla hjá Heilsubrú sem ætluð er konum eftir tíðahvörf og út lífið. 

Í fræðslunni er farið yfir hvað gerist í líkamanum eftir breytingaskeið og tíðahvörf. Skoðuð verða áhrif tíðahvarfa á ólík líkamskerfi eins og hjarta- og æðakerfi, heila og þyngdarstjórnunarkerfi.

Farið verður yfir heilsufarslegar áskoranir sem konur geta staðið frammi fyrir með hækkandi aldri eins og beinþynningu, heilabilun og þvagfæravanda.

Að lokum verða skoðuð bjargráð og leiðir til að draga úr líkum á sjúkdómum og efla heilbrigði og vellíðan. 

Hóptíminn er haldinn á vegum Heilsubrúar Heilsugæslu höfuðborgarsvæðisins. 

Leiðbeinandi er Steinunn Zophoníasdóttir ljósmóðir með sérþekkingu á kvenheilsu.