EDAM námskeið fyrir einhverfa unglinga

Um námskeiðið

Námskeiðið er fyrir ungmenni á einhverfurófi og er skipt í tvo hópa eftir aldri. Yngri hópurinn miðar við aldurinn 13-16 ára og eldri hópurinn 17 ára og eldri (framhaldsskólaaldur).

Tilgangur námskeiðsins er að kenna unglingum færniþætti byggða á díalektískri atferlismeðferð (DAM) og þar með hjálpa unglingum að vera sátt við eigin hugsanir og hegðun.

Áhersla er á það sem unglingurinn sjálfur hefur stjórn á.

Efni námskeiðsins:

tilfinninga- og orkustjórn
núvitund
streituþol
að finna milliveginn
aukinn sjálfsskilningur
og fleira

Leiðbeinendur

Leiðbeinendur hverju sinni eru tveir til þrír fagaðilar sem eru sérfróðir um einhverfu og skyldar raskanir.

Þeir hafa staðgóða reynslu af vinnu með unglingum og foreldrum.

Fyrirkomulag

Hvert námskeið er samtals 13,5 klukkustundir sem skiptast í níu tíma. Hver tími er 1,5 klukkustund.

Í hverjum hóp eru átta til tíu unglingar.

Hópurinn hittist tvisvar í viku fyrstu þrjár vikurnar og svo vikulega eftir það, samtals 9 sinnum á 6 vikna tímabili.

Áhersla er lögð á virka þátttöku og heimaverkefni hjá unglingunum. Foreldrar mæta í 2-3 tíma á námskeiðinu en unglingar mæta í alla tíma. Að auki býðst einstaklingsráðgjöf milli tíma ef þörf krefur.

Í upphafi og við lok námskeiðs eru unglingar beðnir um að fylla út matslista.

Hver áfangi námskeiðsins byggir á því sem á undan er gengið og því mikilvægt að gera ráðstafanir til að unglingar geti sótt alla tímana.

Næstu námskeið

Yngri hópur (13-16 ára)

Næsta námskeið hefst mánudaginn 18. ágúst.

Tímar verða á mánudögum og miðvikudögum, frá kl. 15 til 16:30, fyrri þrjár vikurnar og svo einungis á miðvikudögum seinni þrjár vikurnar.

Eldri hópur (17 ára og eldri)

Næsta námskeið hefst þriðjudaginn 19. ágúst.

Tímar verða á þriðjudögum og fimmtudögum, frá kl. 15 til 17, fyrri þrjár vikurnar og svo einungis á fimmtudögum seinni þrjár vikurnar.

Námskeiðið er haldið í Geðheilsumiðstöð barna í Vegmúla 3, 108 Reykjavík.

Verð vegna námskeiðsgagna: 4.000 kr.

Opna skráningarsíðu