Nánari upplýsingar um starf

    Sálfræðingur barna Heilsugæslan Hvammi

    Sálfræðingur barna Heilsugæslan Hvammi

    Laust er til umsóknar 50% ótímabundið starf sálfræðings fyrir börn við Heilsugæsluna Hvammi. Æskilegt er að viðkomandi hefji störf sem fyrst eða samkvæmt nánara samkomulagi. Um er að ræða ábyrgðarmikið og krefjandi starf og spennandi vettvang fyrir sálfræðing sem hefur áhuga á nýsköpun og framþróun í heilsugæslu. Sálfræðingur starfar í þverfaglegu teymi með læknum, hjúkrunarfræðingum og öðru fagfólki í skemmtilegu starfsumhverfi sem er í stöðugri þróun. Heilsugæslan Hvammi leggur áherslu á þverfaglega teymisvinnu. Góður starfsandi er á stöðinni, starfsaðstaða og starfsumhverfi eru til fyrirmyndar. Heilsugæslan á að vera fyrsti viðkomustaður í heilbrigðisþjónustu þar sem ólíkum þörfum notenda er mætt í nærumhverfi og þeim leiðbeint yfir í önnur kerfi heilbrigðisþjónustunnar eftir því sem þörf er á. Mikil þróunarvinna er í gangi og stöðugt er unnið að því að bæta þjónustu við skjólstæðinga sem hefur fjölgað mikið undanfarin ár Nánari upplýsingar um starfsemina má finna á vef Heilsugæslunnar (www.heilsugaeslan.is)

    Helstu verkefni og ábyrgð

    - Sálfræðiþjónusta fyrir börn og unglinga að 18 ára aldri - Greining, mat og meðferð á geðrænum vanda, gagnreynd sálfræðimeðferð og ráðgjöf - Einstaklings- og hópmeðferð - Námskeiðahald, ráðgjöf og fræðsla - Handleiðsla og þjálfun nema í klínískri sálfræði - Þátttaka í þróun og uppbyggingu sálfræðiþjónustu í heilsugæslu - Samstarf við aðrar heilbrigðisstofnanir s.s. Landspítala og félagsþjónustu - Önnur tilfallandi verkefni eftir þörfum

    Hæfnikröfur

    - Leyfi frá landlækni til að starfa sem sálfræðingur er skilyrði - Reynsla af greiningu og meðferð barna og unglinga með geðrænan vanda - Þekking og reynsla af gagnreyndum aðferðum, s.s. hugrænni atferlismeðferð - Faglegur metnaður og áhugi á uppbyggingu sálfræðiþjónustu í heilsugæslu - Sjálfstæði, frumkvæði og lausnamiðuð nálgun í starfi - Reynsla og áhugi á þverfaglegri teymisvinnu - Góð samskiptahæfni, lipurð og sveigjanleiki í samskiptum - Góð íslenskukunnátta skilyrði - Góð almenn tölvukunnátta

    Nánari Lýsing

    Stéttarfélag er Sálfræðingafélag Íslands. Umsókn skal fylgja ítarleg náms- og starfsferilskrá þar sem gerð er grein fyrir ástæðu umsóknar og kynningarbréf þar sem fram kemur rökstuðningur fyrir hæfni viðkomandi í starfið. Leggja skal fram staðfestar upplýsingar um menntun, fyrri störf og reynslu, sem og afrit af prófskírteinum og leyfisbréfi. Viðtöl verða höfð við umsækjendur og byggist ákvörðun um ráðningu í starfið á þeim og innsendum gögnum. Gögn sem ekki er hægt að senda rafrænt skulu berast Svövu Þorkelsdóttur, framkvæmdastjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík. Öllum umsóknum verður svarað þegar ákvörðun um ráðningu hefur verið tekin. Tekið er mið af jafnréttisstefnu Heilsugæslunnar við ráðningu í starfið. Umsókn getur gilt í 6 mánuði.

    Frekari upplýsingar um starfið

    Laun samkvæmt gildandi kjarasamningi fjármálaráðherra og viðkomandi stéttarfélags.

    Starfshlutfall er 50%
    Umsóknarfrestur er til og með 21.10.2019

    Nánari upplýsingar veitir

    Rut Gunnarsdóttir - rut.gunnarsdottir@heilsugaeslan.is - 513-5850

    Agnes Sigríður Agnarsdóttir - agnes.agnarsdottir@heilsugaeslan.is - 513-5000

    HH Hvammi lækningar
    Hagasmára 5
    201 Kópavogur

    Sækja um starf »