Hjúkrunarfræðingur Heilsugæslan Mjódd

Hjúkrunarfræðingur Heilsugæslan Mjódd

Heilsugæslan Mjódd auglýsir eftir hjúkrunarfræðingi til starfa í tímabundið 60-100% starf til eins árs. Æskilegt er að viðkomandi hefji störf 1.október eða eftir nánara samkomulagi. Megin starfssvið er skólaheilsugæsla, hjúkrunarmóttaka og ungbarnavernd auk lífstílsmóttöku. Um er að ræða spennandi starfsvettvang fyrir hjúkrunarfræðinga sem hafa áhuga á að starfa með börnum og taka þátt í þróun heilsugæsluhjúkrunar. Á Heilsugæslunni Mjódd eru starfandi sérfræðingar í heimilislækningum, hjúkrunarfræðingar, ljósmæður, hreyfistjóri ásamt sálfræðingi og riturum. Heilsugæslan Mjódd er ætlað að veita íbúum almenna, samfellda og aðgengilega heilbrigðisþjónustu. Starfsemi heilsugæslunnar er í örri framþróun þar sem áhersla er lögð á náið samstarf fagstétta og teymisvinnu. Nánari upplýsingar um starfsemi stöðvarinnar má finna á vef Heilsugæslunnar (www.heilsugaeslan.is).

Helstu verkefni og ábyrgð

Skólahjúkrunarfræðingur sinnir reglubundnu heilbrigðiseftirliti nemenda og fræðslu. Auk þess sinnir hann öðrum viðfangsefnum sem upp kunna að koma í samstarfi við annað starfsfólk skólans og foreldra eftir þörfum hverju sinni. Hjúkrunarmóttakan er mjög víðtæk, allt frá símaráðgjöf til bráðaþjónustu. Móttakan sinnir fólki á öllum aldri og skiptist í opna móttöku, bókaða móttöku og símaráðgjöf. Ung og smábarnavernd eflir heilsu, vellíðan og þroska ungra barna með reglulegum heilsufarsskoðunum ásamt stuðningi og heilbrigðisfræðslu til fjölskyldna þeirra. Lífstílsmóttaka veitir ráðgjöf varðandi heilbrigðan lífsstíl með mælingum, ráðgjöf og stuðningi.

Hæfnikröfur

- Íslenskt hjúkrunarleyfi - Reynsla af skóla- og/eða heilsugæsluhjúkrun æskileg - Faglegur metnaður og áhugi á að vinna með börnum - Framúrskarandi samskiptahæfni og sveigjanleiki - Sjálfstæð vinnubrögð - Reynsla af og áhugi á teymisvinnu - Góð íslenskukunnátta og góð almenn tölukunnátta nauðsynleg

Nánari Lýsing

Umsókn skal fylgja ítarleg náms- og starfsferilsskrá ásamt kynningarbréfi. Jafnframt skal leggja fram staðfestar upplýsingar um menntun og staðfest afrit af opinberu starfsleyfi. Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, framkvæmdastjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík. Tekið er mið af jafnréttisstefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði.

Frekari upplýsingar um starfið

Laun samkvæmt gildandi kjarasamningi fjármálaráðherra og viðkomandi stéttarfélags.

Starfshlutfall er 60 - 100%
Umsóknarfrestur er til og með 26.08.2019

Nánari upplýsingar veitir

Kristín Þorbjörnsdóttir - kristin.thorbjornsdottir@heilsugaeslan.is - 513-6000

HH Mjódd hjúkrun
Þönglabakka 6
109 Reykjavík

Sækja um starf »