Hjúkrunarfræðingar - Upplýsingamiðstöð Heilsugæslu höfuðborgarsvæðisins

Heilsugæsla höfuðborgarsvæðisins auglýsir eftir hjúkrunarfræðingum til starfa við Upplýsingamiðstöð HH. Um er að ræða breytileg starfshlutföll á öllum tímum sólarhrings. Æskilegt er að viðkomandi hefji störf 1. september n.k. eða eftir nánara samkomulagi. 

Upplýsingamiðstöð HH hefur tvíþætt hlutverk: 

Að þjónusta þau sem þangað leita hvort sem er í síma eða netspjalli á heilsuvera.is, þannig að málin séu leyst eða komið í viðeigandi farveg. Öllum erindum er sinnt, á öllum tímum sólarhrings og hvaðan úr heiminum sem þau koma.

Skrifa, viðhalda og þróa þekkingarvef heilsuveru sem kemur á framfæri til almennings áreiðanlegri þekkingu um þroska, heilsu, áhrifaþætti heilbrigðis, sjúkdóma, frávik og einkenni.

Helstu verkefni og ábyrgð

  • Svara erindum á netspjalli Heilsuveru
  • Veita símaráðgjöf
  • Vinna fræðsluefni fyrir þekkingarvef Heilsuveru
  • Önnur þróunarverkefni í fjarheilbrigðisþjónustu

Hæfnikröfur

  • Íslenskt hjúkrunarleyfi
  • Sjálfstæði í starfi, skiplagningarhæfni og öguð vinnubrögð
  • Mikill sveigjanleiki og samskiptahæfni
  • Geta til að vinna undir álagi
  • Íslensku- og enskuskunnátta í ræðu og riti skilyrði
  • Góð tölvukunnátta skilyrði

Nánari Lýsing

Umsókn skal fylgja ítarleg náms- og starfsferilskrá og kynningarbréf þar sem gerð er grein fyrir ástæðu umsóknar. Leggja skal fram staðfestar upplýsingar um menntun, fyrri störf og reynslu.  Gögn sem ekki er hægt að senda rafrænt skulu berast Svövu Þorkelsdóttur, framkvæmdarstjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík.

Mat á hæfni umsækjenda byggist á innsendum gögnum og viðtölum við umsækjendur. Tekið er mið af jafnréttis- og mannréttindastefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði.

Frekari upplýsingar um starfið

Laun samkvæmt gildandi kjarasamningi fjármálaráðherra og viðkomandi stéttarfélags.

Starfshlutfall er 20 - 100%
Umsóknarfrestur er til og með 11.07.2022

Nánari upplýsingar veitir

Ragnheiður Ósk Erlendsdóttir - ragnheidur.osk.erlendsdottir@heilsugaeslan.is - 513-5000

Margrét Héðinsdóttir - margret.hedinsdottir@heilsugaeslan.is - 513-5000

HH Hjúkrunarforstjóri
Álfabakki 16
109 Reykjavík

Sækja um starf »