Þjónustan
Starfsemi heilsugæslustöðva er að færast í eðlilegt form og öll venjubundin þjónusta er aftur í boði.
Enn gildir að einstaklingar sem eiga erindi á heilsugæslustöðvar eru hvattir til að hringja á undan sér, svo hægt sé að skipuleggja þjónustu með smitvarnir í huga.
Mælst er til að bara eitt foreldri komi með barn í ung- og smábarnavernd og einungis móðir komi í mæðravernd.
Skjólstæðingum með einföld erindi sem hægt er að leysa í síma eða rafrænt er bent á að nýta sé þá möguleika.
Svona verndum við áfram viðkvæma einstaklinga og starfssemi stöðvanna.
Sýnataka
Sýnataka er áfram boði á öllum heilsugæslustöðvunum okkar.
Einstaklingum með einkenni sem geta bent til COVID-19 sýkingar er ráðlagt að hafa símasamband við sína heilsugæslustöð og ræða hugsanlega sýnatöku. Um helgar þarf að hafa samband við Læknavaktina í síma 1700 vegna sýnatöku.
Helstu vísbendingar um COVID-19 eru einkenni frá efri loftvegum, hiti, hálssærindi, breyting á lyktar- og bragðskyni, ásamt slappleika og beinverkjum.
Mótefnamælingar
Nú er byrjað að safna blóðsýnum til mótefnamælinga en eingöngu hjá einstaklingum sem fara í blóðprufu af öðrum ástæðum. Þeim býðst að tekið verði jafnframt sýni til mótefnamælingar.
Allir verða upplýstir rafrænt um niðurstöður en mikilvægt að hafa í huga að ekki er von á niðurstöðum á næstu vikum eða mánuðum.
Í ákveðnum tilvikum, er hægt að fá mælingu á mótefnum hjá Landspítala samkvæmt beiðni frá lækni. Sú rannsókn er dýr og enn er óljóst hver borgar rannsóknina. Í skoðun er, í samráði við sóttvarnalækni, hvenær þörf er á þessari rannsókn.