Ásmundur Jónasson hefur verið ráðinn fagstjóri lækninga í Garðabæ frá og með 1. júní 2016.
Ásmundur lauk læknaprófi frá Háskóla Íslands í júní 1983 og öðlaðist sérfræðiréttindi í heimilislækningum árið 1990.
Ásmundur hefur starfað við Heilsugæsluna Garðabæ frá október 1998.
Hann hefur starfað töluvert að félags-, fræðslu- og gæðaþróunarmálum, hefur m.a. átt sæti í gæðaþróunarnefnd Félags íslenskra heimilislækna
og verið aðjúnkt við læknadeild Háskóla Íslands frá 2009.
Við bjóðum Ásmund velkominn til nýrra starfa innan Heilsugæslu höfuðborgarsvæðisins.