Oddur Steinarsson hefur verið ráðinn í starf framkvæmdastjóra lækninga Heilsugæslu höfuðborgarsvæðisins til fimm ára frá og með 1.september 2014. Forstjóri Heilsugæslu höfuðborgarsvæðisins ræður í starfið.
Oddur er sérfræðingur í heimilislækningum, með MBA gráðu frá Háskóla Íslands. Hann hefur starfað sem framkvæmdastjóri og yfirlæknir á heilsugæslu í Gautaborg, Svíþjóð frá 2009.
Verkefni sem heyra undir framkvæmdastjóra lækninga eru eftirfarandi:
- Leiðtogi við framkvæmd stefnu heilsugæslunnar
- Stefnumótun og þróun, m.a. á sviði markmiða, árangurs, gæða og öryggis í þjónustu
- Innleiðing nýjunga og breytinga, ásamt því að stuðla að öryggi, gæðum og hagkvæmni
- Fagleg samhæfing og eftirlit á sviði lækninga
- Samhæfing starfsemi Heilsugæslu höfuðborgarsvæðisins
- Gerð og efling klínískra leiðbeininga
- Gæðaeftirlit
Stefán Bergmann Matthíasson yfirlæknir, gegnir starfi framkvæmdastjóra lækninga til 31. ágúst n.k.