Um þessar mundir berst mikil aska frá eldgosi í Eyjafjallajökli.
Fyrir liggur að gosaska frá eldgosinu hefur verið að taka breytingum vegna minna aðgengis vatns að hraunrennslinu. Það hefur dregið úr öskumyndun og minna verður vart mjög smárra agna í gjóskunni sem berst skemur en áður. Á móti kemur að efni í öskunni skolast síður burt þannig að flúormagn hefur aukist umtalsvert.
Vindátt og aðrar aðstæður ráða því hvar askan fellur.
Spá um öskufall er á vef Veðurstofu Íslands.
Kynnið ykkur þessa bæklingana:
- Hætta á heilsutjóni vegna gosösku: leiðbeiningar fyrir almenning
- Öskufall: leiðbeiningar um viðbúnað fyrir, eftir og meðan á öskufalli stendur
Gosaska getur haft bráð áhrif á fólk en helstu einkenni eru frá:
Öndunarfærum:
- Nefrennsli og erting í nefi
- Særindi í hálsi og hósti
- Fólk sem þjáist af hjarta- og lungnasjúkdómum getur fengið versnandi einkenni af undirliggjandi sjúkdómum sem vara í marga daga. Þau lýsa sér í hósta, uppgangi og öndunarerfiðleikum.
Augum:
- Tilfinning um aðskotahlut
- Augnsærindi, kláði, blóðhlaupin augu
- Útferð og tárarennsli
- Skrámur á sjónhimnu
- Bráð augnbólga, ljósfælni
- Gosaska er sértaklega varasöm ef augnlinsur eru notaðar
Húð:
- Erting, sviði, roði og kláði í húð, einkum ef askan er súr.
Ráðleggingar til fólks á svæðum þar sem öskufalls gætir:
- Nota öndunarfæragrímur utanhúss. Æskilegt að nota hlífðarföt.
- Séu öndunarfæragrímur ekki tiltækar má nota vasaklút eða annan klæðnað sem heldur stærri ögnum frá.
- Ráðlagt að nota hlífðargleraugu
- Börn og fullorðnir með hjarta- og öndunarfærasjúkdóma skyldu halda sig innanhúss
- Forðast að not augnlinsur
Sóttvarnalæknir
Landspítali
Almannavarnadeild ríkislögreglustjóra