Sjúkraliðar í heimahjúkrun

Sjúkraliðar í heimahjúkrun

Heilsugæsla höfuðborgarsvæðisins óskar eftir að ráða tvo sjúkraliða í heimahjúkrun í 80% í ótímabundin störf. Æskilegt er að viðkomandi geti hafið störf sem fyrst eða eftir nánara samkomulagi. Um er að ræða starf við heimahjúkrun á dag-, kvöld- og helgarvöktum. Starfsstöð heimahjúkrunar er í Hlíðasmára 17.

Helstu verkefni og ábyrgð

Starfssvið í heimahjúkrun er að veita víðtæka hjúkrun í heimahúsum. Sjúkraliðar bera ábyrgð á að vinna samkvæmt hjúkrunaráætlun sem lögð er til grundvallar hjúkrunarmeðferð skjólstæðinga. Sjúkraliðar veita skjólstæðingum og aðstandendum þeirra sem og nemum leiðbeiningar og fræðslu. Þeim ber að sinna öðrum verkefnum sem þeim er falið af teymisstjóra og taka þátt í þróunarverkefnum og gæðastarfi innan stofnunar. Starfið er mjög fjölbreytt og gefandi. Sjúkraliði vinnur náið í teymi ásamt teymisstjóra, hjúkrunarfræðingi og öðrum sjúkraliðum. Teymisstjóri fer fyrir teyminu. Sjúkraliði mun hafa bifreið til afnota á vinnutíma.

Hæfnikröfur

- Íslenskt sjúkraliðaleyfi - Reynsla af heimahjúkrun æskileg - Mikil samskiptahæfni - Faglegur metnaður og áhugi á að vinna við heimahjúkrun - Sjálfstæði í starfi - Gilt ökuleyfi - Hreint sakavottorð - Góð íslensku og enskukunnátta

Nánari Lýsing

Umsókn skal fylgja ítarleg náms- og starfsferilsskrá. Jafnframt skal leggja fram staðfestar upplýsingar um menntun. Gögn sem ekki er hægt að senda rafrænt skulu berast Svövu Þorkelsdóttur, framkvæmdastjóra mannauðs og nýliðunar, Álfabakka 16, 109 Reykjavík. Öllum umsóknum verður svarað þegar ákvörðun um ráðningu hefur verið tekin. Umsókn getur gilt í 6 mánuði. Tekið er mið af jafnréttisstefnu Heilsugæslu höfuðborgarsvæðisins við ráðningu í starfið.

Frekari upplýsingar um starfið

Laun samkvæmt gildandi kjarasamningi fjármálaráðherra og viðkomandi stéttarfélags.

Starfshlutfall er 80%
Umsóknarfrestur er til og með 25.11.2019

Nánari upplýsingar veitir

Sigrún Kristín Barkardóttir - sigrun.barkardottir@heilsugaeslan.is - 513-6900

Hildur Sigurjónsdóttir - hildur.sigurjonsdottir@heilsugaeslan.is - 513-6900

HH Heimahjúkrun á Suðursvæði, hjúkrun
Hlíðasmára 17
201 Kópavogur

Sækja um starf »