Þroska- og hegðunarstöð (ÞHS) veitir þjónustu vegna barna sem glíma við frávik eða aðra erfiðleika í þroska eða hegðun. Sinnt er greiningu, ráðgjöf, meðferð og fræðslu vegna slíkra frávika hjá börnum allt að 12 ára aldri.
Reglulegt faglegt samstarf er við aðra mennta, félags- og heilbrigðisþjónustu víðsvegar um landið.
Þverfaglegur starfshópur vinnur eftir markvissu skipulagi með mestu faglegu gæði að leiðarljósi. Áhersla er á notalegt viðmót og einstaklingsmiðaða nálgun. Lágmarksgjald er innheimt fyrir námskeið, en að öðru leyti er þjónustan gjaldfrjáls.
Kynningarbæklingur ÞHS fæst hér á vefnum, á heilsugæslustöðvum og víðar. Nánari upplýsingar um þjónustuna finnast undir viðeigandi fyrirsögnum vinstra megin á þessari síðu. Einnig má hafa samband í síma 585-1350 eða senda fyrirspurn með tölvupósti.
Hér fyrir neðan má finna ýmsar fréttir af starfi stöðvarinnar.
09.01,2012
Skráning er hafin á námskeið um uppeldi barna með ADHD hefst fimmtudaginn 1. mars á Þroska- og hegðunarstöð.
09.01,2012
Þessi námskeið, sem hafa verið mjög vel sótt undanfarin ár, miða að því að skapa sem best uppeldisskilyrði fyrir börn með því að kenna foreldrum jákvæðar og árangursríkar aðferðir.
20.09,2011
Markmið ADHD vitundarvikunnar er að auka þekkingu almennings á ADHD, eyða fordómum, auka skilning og efla stuðning við fólk með ADHD með opinskárri og skammarlausri umfjöllun. Árið 2010 voru rúmlega 150 börn greind með ADHD hjá Þroska- og hegðunarstöð.