Garðabær
Heilsugæslan Garðabæ er heilsugæslustöð sem veitir íbúum Garðabæjar almenna læknis- og hjúkrunarþjónustu.
Í afgreiðslu Heilsugæslunnar taka móttökuritarar við tímapöntunum og gefa almennar upplýsingar um starfsemi stöðvarinnar. Ef um bráðatilvik er að ræða má leita til Heilsugæslunnar án þess að gera boð á undan sér.
- Símtal við lækni þarf að panta í síma 520-1800 fyrir kl. 9:30 á virkum dögum.
- Endurnýjun lyfseðla er í síma 520-1800 milli kl. 10:00 og 12:00 á virkum dögum.
- Hjúkrunarfræðingar eru með móttöku alla virka daga frá kl. 8:00 til 15.30. Á þeim tíma er alltaf hægt er að fá samband við hjúkrunarfræðing í síma með fyrirspurnir og bráðaerindi.
- Rannsóknastofa er opin frá kl. 8:00 til 14:00. Blóðprufur eru að jafnaði teknar milli kl. 8:00 og 9:00. Bóka þarf tíma.
- Síðdegismóttaka er venjulega opin virka daga frá kl. 16:00 til 18:00 og er ætlað að sinna bráðum fljótleystum erindum sem þarfnast skjótrar úrlausnar enda er viðtalstíminn styttri en venjulega. Bókað er í tíma. Komugjöld eru hærri eftir kl. 16:00.