Mjódd
Heilsugæslan Mjódd er hverfisstöð og er fyrst og fremst ætlað að þjóna íbúum neðra Breiðholts, það er hverfi 109, Bökkum, Stekkjum og Seljahverfi.
Í afgreiðslu heilsugæslustöðvarinnar taka móttökuritarar við tímapöntunum, gefa almennar upplýsingar um starfsemi stöðvarinnar og koma áríðandi skilaboðum til starfsfólks. Nauðsynlegt er að láta móttökuritara vita þegar mætt er í pantaðan tíma.
- Læknismóttaka er alla virka daga skv. tímapöntun
- Mæðraeftirlit skv. tímapöntun.
- Ungbarnaeftirlit skv. tímapöntun
- Blóðrannsóknir eru í Þönglabakka 1 alla virka daga frá kl. 10:00 til 11:30
Bent er á að vaktþjónusta er opin fyrir skyndikomur og bráðaerindi frá kl. 8:00 til 16:00 virka daga.
Á stöðinni er læknir á síðdegisvakt sem er venjulega opin alla virka daga frá kl. 16:00 til 18:00.
Hjúkrunarfræðingar og læknar geta bókað ykkur á vaktina fyrir hádegi ef þeir meta þörf á því en móttökuritarar eftir hádegi.
Vaktin er ætluð fyrir skyndiveikindi og smáslys. Eðli málsins samkvæmt er síðdegisvaktin fyrir stutt viðtöl og gert er ráð fyrir því að leysa aðeins eitt erindi/vandamál í hverju viðtali.
Ritari tekur við óskum þínum um lyfjaendurnýjun í síma 513-1515 alla virka daga frá kl. 10:00 til 12:00.
Eingöngu er hægt að fá endurnýjuð þau lyf sem tekin eru að staðaldri og heimilislæknir þinn á stöðinni hefur áður ávísað þér. Ekki fást endurnýjuð sýklalyf eða sterk verkjalyf í þessum síma.
Æskilegt er að lyfjaendurnýjun fari fram í læknisviðtali og mikið hagræði getur verið af því að nota fjölnota lyfseðla ef um samfellda lyfjanotkun er að ræða til langs tíma en þá lyfseðla er ekki er hægt að símsenda í apótek.
Ef þörf er á læknisvottorði vegna fjarveru úr skóla eða vinnu þarf að tilkynna það lækni sem fyrst eftir að veikindi hefjast. Læknir metur hvort ástæða er til frekari skoðunar á stofu.
Læknisvottorð eru að jafnaði ekki gefin aftur í tímann og að lækni ber að votta það eitt sem hann hefur sannreynt.
Athugið að oft er ritun læknisvottorðs tímafrek og vandasöm.
Frá kl. 8:00 til 16:00 er alltaf hægt að fá símasamband/viðtal við vakthafandi hjúkrunarfræðing.
Hann metur vandamál þitt og getur gefið þér tíma hjá vakthafandi lækni ef þörf er á eða ráðlagt annað sem getur hjálpað.
Bráðatilvik hafa alltaf forgang svo sem skyndileg/alvarleg veikindi eða slys.