Álfheimum 74, 104 Reykjavík
Sími: 599-1300Fax: 599-1330

Almennur þjónustutími

Virka daga kl. 8 - 16
Síðdegisvakt mánud. - fimmtud. kl. 16 -18 og föstud. kl. 16 - 17

Heilsugæslan Glæsibæ er hverfisstöð sem þjónar íbúum Voga- og Heimahverfis.

Í afgreiðslu heilsugæslustöðvarinnar taka móttökuritarar við tímapöntunum, gefa almennar upplýsingar um starfsemi stöðvarinnar og koma áríðandi skilaboðum til starfsfólks. Nauðsynlegt er að láta móttökuritara vita þegar mætt er í pantaðan tíma. 

Símatími hjúkrunarfræðinga er frá kl. 8:00 til 16:00 alla virka.
Rannsóknastofan er opin frá kl.8:00 til 9:30 alla virka daga nema miðvikudaga, þá er opið frá kl. 13:00 - 14:30.

Ef um alvarleg slys eða lífshættuleg bráð veikindi  er að ræða, skal hafa samband við neyðarlínuna í síma 112. 

Um síðdegisvaktina

Læknar stöðvarinnar eru með síðdegisvakt sem er venjulega opin frá kl. 16:00 til 18:00 mánudaga til fimmtudaga, og frá kl. 16:00 - 17:00 á föstudögum.

Ekki eru bókaðir tímar heldur skal fólk mæta á stöðina á þessum tíma. Vaktin er ætluð fyrir bráð veikindi og aðeins eitt vandamál.

Tekið er við beiðnum um  lyfjaendurnýjanir í síma 599-1304  milli kl. 10:30  og 12:00 alla virka daga. Eingöngu er hægt að endurnýja lyf þeirra sem eru skráðir á stöðina.
Verkjalyf, svefnlyf og ávanabindandi lyf eru einungis endurnýjuð í viðtali við lækni.

Fjölnota lyfseðlar

Mikið hagræði er að því fyrir alla aðila að nota fjölnota lyfseðla ef um samfellda lyfjanotkun er að ræða til langs tíma. Ekki er hægt að símsenda fjölnota lyfseðla í apótek. Vinsamlega leitið eftir notkun á fjölnota lyfseðlum hjá heimilislækninum.

 

Ef þörf er á veikindavottorði vegna skóla eða vinnu þarf að tilkynna lækni veikindi sem fyrst eftir að veikindi hefjast.

Panta þarf tíma á stofu hjá lækni ef veikindi standa lengur en tvo daga.

 

Boðið er upp á samdægurstíma hjá lækni fyrir bráð erindi og eitt vandamál. Þessa tíma er hægt að bóka í byrjun dags. Ef um bráð veikindi eða slys er að ræða er hægt að ráðfæra sig í síma við vakthafandi hjúkrunarfræðing á stöðinni sem að metur erindið og finnur viðunandi úrlausn oft með skoðun vakthafandi læknis. Bráðatilvik hafa alltaf forgang. Einnig er skjólstæðingum bent á síðdegisvakt lækna sem er alla virka daga nema föstudaga frá kl. 16:00 til 18:00.