Framkvæmdastjóri geðheilbrigðisþjónustu
Heilsugæsla höfuðborgarsvæðisins, HH, leitar að jákvæðum og metnaðarfullum einstaklingi í starf framkvæmdastjóra geðheilbrigðisþjónustu. Viðkomandi þarf að hafa þekkingu og brennandi áhuga á geðheilbrigðismálum ásamt því að hafa farsæla stjórnunarreynslu. Framkvæmdastjóri geðheilbriðisþjónustu situr í framkvæmdastjórn HH og heyrir undir forstjóra.
Hlutverk framkvæmdastjóra geðheilbrigðisþjónustu er að hafa fagleg ábyrgð ásamt því að samhæfa og hafa eftirlit með geðheilbrigðisþjónustu innan HH. Einnig að styðja við faglega þróun og starfsþróun fagstétta er starfa við geðheilbrigðisþjónustu hjá HH í samvinnu við aðra framkvæmdastjóra. Stuðlar að samskiptum og samvinnu við aðrar heilbrigðisstofnanir og aðra starfsemi um málefni er tengjast geðheilbrigðisþjónustu.
Um er að ræða 100% ótímabundið starf og ráðið verður í starfið 1. ágúst n.k. eða eftir nánara samkomulagi.
Heilsugæsla höfuðborgarsvæðisins er næst stærsta heilbrigðisstofnun landsins þar sem starfa um 1000 manns. Starfsemi stofnunarinnar er margþætt og hefur geðheilbrigðisþjónustan vaxið hratt síðustu ár. Geðheilbrigðisþjónusta er veitt á 15 heilsugæslustöðvum, Geðheilsumiðstöð barna og í sjö sérhæfðum geðheilsuteymum. Þjónustan grundvallast á sérþekkingu fagstétta og víðtæku þverfaglegu samstarfi.
Helstu verkefni og ábyrgð
- Leiðtogi við framkvæmd stefnu Heilsugæslu höfuðborgarsvæðisins.
- Stefnumótun og þróun, m.a. á sviði markmiða, árangurs, gæða og öryggis í þjónustu.
- Innleiðing nýjunga og breytinga, ásamt því að stuðla að öryggi, gæðum og hagkvæmni.
- Fagleg samhæfing og eftirlit á sviði þverfaglegrar geðheilbrigðisþjónustu.
- Samhæfing með annarri starfsemi Heilsugæslu höfuðborgarsvæðisins.
- Gerð og efling klínískra leiðbeininga.
- Gæðaeftirlit.
Hæfnikröfur
- Háskólanám í heilbrigðisvísindum.
- Viðbótarmenntun sem nýtist í starfi.
- Starfsleyfi sem heilbrigðisstarfsmaður á Íslandi.
- Umfangsmikil starfsreynsla og þekking á geðheilbrigðismálum á ólíkum þjónustustigum æskileg.
- Þekking, reynsla og hæfni af því að starfa með þverfaglegum teymum.
- Víðtæk þekking, kunnátta og reynsla af viðurkenndum meðferðarformum innan geðheilbrigðisþjónustu.
- Leiðtogahæfni og metnaður til að ná árangri í starfi.
- Viðamikil þekking, reynsla og hæfni á sviði stjórnunar í geðheilbrigðisþjónustu æskileg.
- Frumkvæði og áræðni ásamt hæfni og lipurð í samskiptum.
- Mikil reynsla af samvinnu við stofnanir og félagasamtök.
- Góð almenn tölvuþekking.
- Hæfni til að tjá sig í ræðu og riti.
- Góð íslenskukunnátta skilyrði
Nánari Lýsing
Umsókn skal fylgja ítarleg náms- og starfsferilskrá þar sem gerð er grein fyrir ástæðu umsóknar og kynningarbréf þar sem fram kemur rökstuðningur fyrir hæfni viðkomandi í starfið. Gögn sem ekki er hægt að senda rafrænt skulu berast Svövu Þorkelsdóttur, framkvæmdastjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík. HH áskilur sér rétt til þess að óska eftir hreinu sakavottorði.
Mat á hæfni umsækjenda byggist á innsendum gögnum og viðtölum við umsækjendur. Tekið er mið af jafnréttis- og mannréttindastefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu hefur verið tekin. Umsókn getur gilt í 6 mánuði.
Frekari upplýsingar um starfið
Laun samkvæmt gildandi kjarasamningi fjármálaráðherra og viðkomandi stéttarfélags.
Starfshlutfall er 100%
Umsóknarfrestur er til og með 13.05.2024
Nánari upplýsingar veitir
Sigríður Dóra Magnúsdóttir - sigridur.d.magnusdottir@heilsugaeslan.is - 513-5000
Svava Kristín Þorkelsdóttir - svava.kristin.thorkelsdottir@heilsugaeslan.is - 513-5000
HH Stjórnsýsla
Álfabakki 16
109 Reykjavík