Sérnám í heilsugæsluhjúkrun er 60 eininga diplómanám í samstarfi við Háskólann á Akureyri (HA) 

  • Brautarstjóri námslínunnar við HA er Sigríður Sía Jónsdóttir, lektor við HA 
  • Kennslustjóri sérnáms í heilsugæsluhjúkrun við HH er Ragnheiður Ósk Erlendsdóttir, Þróunarstofu HH

Sérnámsstöðurnar við Heilsugæslu höfuðborgarsvæðisins (HH) eru sex og veitast til eins árs í 80% starfshlutfalli.

Hver sérnámshjúkrunarfræðingur starfar undir handleiðslu lærimeistara samkvæmt nákvæmu skipulagi klínískra námskeiða. Kennslulotur fara fram hjá HA og hjá HH 

  • Markmið sérnámsins er að auka þekkingu og færni hjúkrunarfræðinga í viðfangsefnum heilsugæsluhjúkrunar.
  • Hlutverk heilsugæslunnar er skoðað út frá samfélagslegri ábyrgð hennar í þeim tilgangi að efla færni sérnámshjúkrunarfræðinga í að vinna að þróun og framgangi heilsugæslunnar innan samfélagsins. 
  • Sérstök áhersla er lögð á lausnamiðaða nálgun sem og þróun og styrkingu sérnámshjúkrunarfræðings sem sjálfstæðs meðferðaraðila í þverfaglegu samstarfi. 
  • Námið felur m.a. í sér greiningu á tækifærum innan heilsugæslunnar og hvernig þróa megi  þjónustu á þessu sviði til framtíðar ásamt því að kynnast sérhæfðu skipulagi almannavarna varðandi náttúruhamfarir eða útbreiðslu smitsjúkdóma.