Upplýsingar fyrir börn og fullorðna um bólusetningar barna gegn COVID-19 á mörgum tungumálum: covid.is/barn
Seinni bólusetning leikskólabarna fædd árið 2016 á höfuðborgarsvæðinu fer fram í Laugardalshöll vikuna 7. til 11.febrúar 2022. Þá eru liðnar 3 vikur frá fyrri skammtinum. Barnið á að mæta á sama tíma og vikudegi og það gerði þá.
Ef barn greinist með COVID-19 sjúkdóminn eftir fyrri bólusetninguna á að bíða með bólusetningu í 3 mánuði frá greiningardegi.
Börn 5 til 11 ára sem eiga eftir að fá fyrri skammtinn eru alltaf velkomin í Laugardalshöll.
Dagskrá vikunna 7. til 11. febrúar:
- Mánudagur 7. febrúar – Börn fædd í janúar og febrúar 2016
- Þriðjudagur 8. febrúar – Börn fædd í mars, apríl og maí 2016
- Miðvikudagur 9. febrúar – Börn fædd í júní, júlí og ágúst 2016
- Fimmtudagur 10. febrúar – Börn fædd í september og október 2016
- Föstudagur 11. febrúar – Börn fædd í nóvember og desember 2016
Barnið mætir í Laugardalshöll með fylgdarmanni á réttum tíma miðað við fæðingarmánuð. Fylgdarmaður er með barninu allan tímann og bíður með barninu eftir bólusetningu. Grímuskylda er bæði fyrir fullorðna og börn. Systkini mega koma á sama tíma.
Samþykki/ósk um bólusetningu
Vísum á frétt um fyrri bólusetninguna varðandi nánari upplýsingar. Samþykki sem var veitt þá gildir áfram.
Nánari upplýsingar:
- Algengar spurningar um bólusetningu barna
- Um bóluefnið Comirnaty fyrir 5-11 ára börn – á vef lyfjastofnunar
- Comirnaty 10 míkrógrömm/skammt – Börn 5-11 ára – Fylgiseðill