COVID smit hefur greinst hjá einum starfsmanni á Heilsugæslunni Sólvangi og öðrum starfsmanni heimahjúkrunar HH.
Enginn annar starfsmaður eða skjólstæðingur hefur reynst smitaður við sýnatöku, sem verður endurtekin um miðja viku. Aðrir skjólstæðingar hafa verið upplýstir um þörf á smitgát. Nokkrir starfsmenn eru í sóttkví og aðrir starfsmenn sóttkví C. Óhjákvæmilegt er að þessi smit hafi áhrif á starfsemina næstu daga. Um helgina þurfti að leita til aðstandenda vegna skjólstæðinga í heimahjúkrun.
Mánudaginn 26. júlí verður Heilsugæslan Sólvangi lokuð til klukkan 13:00 og engin símsvörun fyrr en klukkan 10:00, ef brýn þörf er á þjónustu er ráðlagt að hafa samband við aðrar heilsugæslustöðvar og bráðavaktina.
Klukkan 13:00 opnar stöðin með skertri starfssemi. Áhersla verður á símaþjónustu, rafræn samskipti og mínar síður á heilsuvera.is og vonandi næst þannig að sinna flestum erindum. Bráðaerindum er sinnt til klukkan 16:00 og önnur móttaka sem ekki þolir bið. Síðdegisvakt er lokuð þar til annað verður ákveðið. Skjólstæðingum ráðlagt að leita á síðdegisvaktir annarra stöðva eða læknavaktina ef þess þarf. Starfsfólk vonar að skjólstæðingar sýni þessu skilning næstu daga.