Föstudaginn 30. ágúst var haldið kaffiboð í tilefni af útskrift tveggja hjúkrunarfræðinga frá Heilsugæslu höfuðborgarsvæðisins (HH) úr sérnámi í heilsugæsluhjúkrun.
Það voru þær Svava Björk Jónasdóttir frá Heilsugæslunni Efra-Breiðholti sem var í sérnámsstöðu í Árbæ og Bryndís Hulda Ríkharðsdóttir frá Heilsugæslunni Firði sem var í sérnámsstöðu á sömu stöð.
Sérnám í heilsugæsluhjúkrun hófst árið 2015 og nú hafa alls 29 hjúkrunarfræðingar klárað sérnámið, þar af 19 frá HH.
Níu hjúkrunarfræðingar eru í fimmta árgangi sérnámsins árið 2019-2020, þar af fimm frá HH og eru þær á myndinni hér fyrir ofan.
Þær eru fá vinstri: Tinna Daníelsdóttir, Ása Sæunn Eiríksdóttir, Unnur Guðjónsdóttir, Ingibjörg Ósk Guðmundsdóttir og Ásdís Eckardt,
Við óskum Svövu Björk og Bryndísi Huldu til hamingju með útskriftina og bjóðum nýjan hóp velkominn í sérnámið.
Á myndinni hér fyrir neðan er Svava Björk en Bryndís Hulda komst því miður ekki í boðið vegna veikinda.