Opnað var á Landakoti mánudaginn 29. september og fer starfsemin afar vel af stað að sögn starfsfólks.
Heilsugæslan Seltjarnarnesi hefur aðstöðu á þremur hæðum á Landakoti. Læknamóttaka er á 2. hæð. Gengið er inn frá Túngötu og þar eru veittar nánari leiðbeiningar í móttöku í anddyri spítalans.
Bílastæði fyrir skjólstæðinga stöðvarinnar eru á gjaldstæðum við Landakotskirkju.
Stöðin var lokuð 25. og 26. september en starfsfólkið sat ekki aðgerðalaust heldur tók virkan þátt í flutningunum sem gengu vel. Það er því ljóst sem fyrr að starfsfólk Heilsugæslunnar lætur ekki sitt eftir liggja þegar kemur að því að bretta upp ermar.