Hjúkrunarfræðingar Þróunarstofu heilsugæslunnar fengu samtals úthlutað 8,2 milljónum króna úr Forvarnarsjóði nú í júní.
Í ár voru umsóknir metnar með tilliti til stefnu ríkisstjórnarinnar um að efla heilsugæsluna og lýðheilsustarf og forvarnir á þeim grunni.
Verkefnin sem hlutu styrki voru:
- Áhugahvetjandi samtalstækni, námskeið fyrir fagfólk, 1,5 milljónir króna. Ábyrgðarmaður Margrét Héðinsdóttir.
- Innleiðing vinnuleiðbeininga til að efla fyrstu tengsl barns og foreldra, 800 þúsund krónur. Ábyrgðarmaður Stefanía B. Arnardóttir
- Þróun þjónustu við of þung börn og fjölskyldur þeirra, 1,9 milljónir króna. Ábyrgðarmaður Margrét Héðinsdóttir.
- Heilsuvefurinn http://www.6h.is/ áframhaldandi þróun og kynning, 2 milljónir króna. Ábyrgðarmaður Ragnheiður Ósk Erlendsdóttir. (Við hvetjum ykkur til að skoða vefinn)
- Þróun heilsuverndar ungmenna á framhaldsskólaaldri, 2 milljónir króna. Ábyrgðarmaður Margrét Héðinsdóttir
Á myndinni eru styrkþegarnir ásamt Jóhanni Ágústi yfirlækni Þróunarstofu. Frá vinstri: Stefanía, Margrét, Jóhann Ágúst, Ragnheiður Ósk.
Nánari upplýsingar um Forvarnarsjóð og úthlutunina má finna á vef Lýðheilsustöðvar.