Í tengslum við útgáfu handbókar um klínískar leiðbeiningar um meðgönguvernd heilbrigðra kvenna í eðlilegri meðgöngu, sem Landlæknisembættið og Miðstöð mæðraverndar unnu að og Landlæknisembættið hefur gefið út, hefur verið útbúinn bæklingur fyrir verðandi mæður sem heitir Velkomin í meðgönguvernd.
Leiðbeiningarnar eru þýddar og staðfærðar úr leiðbeiningum National Institute for Clinical Excellence (NICE). Helstu breytingar sem verða á meðgönguverndinni skv. leiðbeiningunum er að mæðraskoðunum fækkar. Að jafnaði skal miða við að skoðanir séu 10 hjá frumbyrjum í eðlilegri meðgöngu en 7 hjá fjölbyrjum í eðlilegri meðgöngu.
Heilsugæsla höfuðborgarsvæðisins gefur einnig út þennan bækling á ensku Welcome to antenatal care.