Samstarfssamningur milli Heilsugæslunnar Glæsibæ, Barna- og unglingageðdeildar Landspítala og Þjónustumiðstöðvar Laugardals og Háaleitis var undirritaður 26. maí sl. vegna tilraunaverkefnis til þriggja ára um þverfaglega samvinnu þessara stofnana um málefni barna með hegðunar- og geðraskanir í Langholts- og Vogahverfi.
Á myndinni eru frá vinstri fremri röð:
• Stella Víðisdóttir, sviðsstjóri Velferðarsviðs Reykjavíkur
• Kristján G. Guðmundsson, yfirlæknir Heilsugæslunnar Glæsibæ
• Gísli Baldursson, geðlæknir á Barna- og unglingageðdeild Landspítala
• Svanhvít Jakobsdóttir, forstjóri Heilsugæslu höfuðborgarsvæðisins
aftari röð:
• Þórunn Ólafsdóttir, hjúkrunarforstjóri Heilsugæslu höfuðborgarsvæðisins
• Sigrún K. Barkardóttir, hjúkrunarforstjóri Heilsugæslunnar Glæsibæ
• Halldór Jónsson, læknir á Heilsugæslunni Glæsibæ
• Lúðvík Ólafsson, lækningaforstjóri Heilsugæslu höfuðborgarsvæðisins
Markmiðið með tilraunaverkefninu er að stytta biðlista eftir þjónustu fyrir fjölskyldur barna með hegðunar- og geðraskanir í Langholts- og Vogahverfi þannig að hægt sé að grípa fyrr inní, samhæfa úrræði, þróa nýjar leiðir og verklag í þjónustunni og að byggja upp þekkingarbrunn um leiðir og úrræði í þessum málum.
Samninginn undirrituðu Stella Víðisdóttir, sviðsstjóri Velferðarsviðs Reykjavíkur, Kristján G. Guðmundsson, yfirlæknir Heilsugæslunnar Glæsibæ, Sigrún K. Barkardóttir, hjúkrunarforstjóri Heilsugæslunnar Glæsibæ, Gísli Baldursson, geðlæknir á Barna- og unglingageðdeild Landspítala og Svanhvít Jakobsdóttir, forstjóri Heilsugæslu höfuðborgarsvæðisins.