icon

Hafa samband



Samband frá skiptiborði virka daga frá kl 8:00 til 16:00
icon

Leiðbeiningar til gesta



Gengið er inn um aðalinngang Skrifstofu HH og farið upp á 2. hæð þar sem er dyrabjalla. Þar er gestum boðið inn og vísað upp á þriðju hæð.
 

Hér erum við staðsett

Fréttamynd

13.12.2019

Fylgni milli svefnlyfjanotkunar og dánartíðni

Rannsóknarteymi á Þróunarmiðstöð íslenskrar heilsugæslu, Háskóla Íslands og NTNU Þrándeimi, birti nú fyrir skemmstu grein í tímaritinu BMJ Open um rannsókn þar sem könnuð var dánartíðni sjúklinga sem fengið höfðu ávísað svefnlyfjum eða kvíðastillandi lyfjum í misstórum skömmtum samfleytt um þriggja ára skeið, og voru ýmist með fjölveikindi eða ekki. ... lesa meira

Fréttamynd

05.12.2019

Meðferð með hreyfiseðli í kjölfar meðgöngusykursýki

Meðgöngusykursýki er vaxandi vandamál á heimsvísu og benda erlendar rannsóknir til þess að algengi sé frá <1-28%. Á Íslandi hefur tíðnin aukist umtalsvert á síðustu árum og árið 2018 greindust 613 konur, eða samtals 16% kvenna sem voru í mæðravernd hjá Heilsugæslu höfuðborgarsvæðisins (HH), með meðgöngusykursýki. ... lesa meira

Fréttamynd

29.11.2019

Forvarnir í þágu ungra barna

Forvarnir eru mikilvægar og er ung- og smábarnaverndin ein sú mikilvægasta. Markmið ung- og smábarnaverndar er að efla heilsu, vellíðan og þroska ungra barna með reglulegum heilsufarsskoðunum ásamt stuðningi og heilbrigðisfræðslu til fjölskyldna þeirra.... lesa meira

Fréttamynd

18.11.2019

ÞÍH tíðindi 2 tbl.

ÞÍH hefur nú starfað í eitt ár og því tilefni fyrir nýtt fréttabréf. Síðasta árið hefur verið viðburðarríkt og áhugavert og unnið hefur verið að fjölmörgum verkefnum. Sumum þeirra er nú þegar lokið og enn fleiri eru í vinnslu. Á komandi vetri verður áhersla lögð á að tengjast betur þeim heilbrigðisstofnunum úti á landi sem ÞÍH á að þjónusta. Nú þegar eru áformaðar heimsóknir á HSS og HSU og mikil tilhlökkun er fyrir því.... lesa meira

Sjá allar fréttir

Starfsmenn

magnifier
StarfsmennStarfsheitiSímiNetfang
Agnes Sigríður AgnarsdóttirFagstjóri sálfræðinga513-5000
Anna Bryndís BlöndalLyfjafræðingur513-5000
Arna Þórdís ÁrnadóttirFulltrúi513-6314
Auður ÓlafsdóttirVerkefnastjóri hreyfiseðla513-6309
Ása Sjöfn LórensdóttirFagstjóri heilsuverndar skólabarna 513-6317
Ástþóra KristinsdóttirHjúkrunarfræðingur/sérfræðiljósmóðir513-6305
Elínborg BárðardóttirKennslustjóri513-6307
Emil Lárus SigurðssonForstöðumaður513-6313
Gerður A. ÁrnadóttirKennslustjóri kandídata513-5531
Hólmfríður GuðmundsdóttirYfirtannlæknir513-5028
Jón Steinar JónssonYfirlæknir513-6306
Karitas ÍvarsdóttirLjósmóðir513-6308
Kristján LinnetLyfjafræðingur513-6316
Ósk IngvarsdóttirLæknir513-6311
Ragnheiður BachmannLjósmóðir513-6304
Sesselja GuðmundsdóttirSviðsstjóri ung- og smábarnaverndar513-5046

Fagráð Þróunarmiðstöðvar íslenskrar heilsugæslu

Heilbrigðisráðherra skipar fagráð Þróunarmiðstöðvar íslenskrar heilsugæslu sem vinnur að stefnumörkun og tryggir tengsl við aðrar heilbrigðisstofnanir sem reka heilsugæslustöðvar.

 

Fagráðið starfar innan Þróunarmiðstöðvarinnar.

 

Fagráðið er þannig skipað:

 

  • Emil Lárus Sigurðsson, forstöðumaður Þróunarmiðstöðvarinnar, formaður
  • Óskar Reykdalsson, tilnefndur af Heilsugæslu höfuðborgarsvæðisins
  • Örn Ragnarsson, tilnefndur af Heilbrigðisstofnun Norðurlands
  • Anna Guðríður Gunnarsdóttir, tilnefnd af Heilbrigðisstofnun Suðurlands
  • Íris Dröfn Björnsdóttir, tilnefnd af Heilbrigðisstofnun Suðurnesja
  • Hulda Gestsdóttir, tilnefnd af Heilbrigðisstofnun Vesturlands
  • Pétur Heimisson, tilnefndur af Heilbrigðisstofnun Austurlands
  • Súsanna Björg Ástvaldsdóttir, tilnefnd af Heilbrigðisstofnun Vestfjarða
  • Sigríður Sía Jónsdóttir, tilnefnd af heilbrigðisvísindasviði Háskóla á Akureyri
  • Ragnar Pétur Ólafsson, tilnefndur af heilbrigðisvísindasviði Háskóla Íslands
  • Oddur Steinarsson, tilnefndur af heilsugæslustöðvunum Salahverfi, Urðarhvarfi, Höfða og Lágmúla

 

Fagráð Þróunarmiðstöðvar íslenskrar heilsugæslu

Á myndinni eru frá vinstri: Hulda, Ragnar Pétur, Súsanna Björg, Sigríður Sía, Örn, Oddur, Pétur, Íris Dröfn og Emil Lárus.
Á myndina vantar Óskar og Önnu Guðríði.

Hlutverk

Ný stofnsett Þróunarmiðstöð íslenskrar heilsugæslu leiðir faglega þróun innan heilsugæslu á landsvísu. 

Þróunarmiðstöð vinnur að samræmingu verklags og samhæfingar milli fagfólks á heilsugæslustöðvum, gæðaþróun og framförum í heilsugæslu í samráði við heilbrigðisstofnanir sem reka heilsugæslustöðvar og sjálfstætt starfandi heilsugæslustöðvar.

Þróunarmiðstöð íslenskrar heilsugæslunnar starfar innan Heilsugæslu höfuðborgarsvæðisins

Sagan

Þróunarmiðstöð íslenskrar heilsugæslu hóf störf í nóvember 2018.

Miðstöðin tekur viða af Þróunarsviði sem var hluti af Skrifstofu Heilsugæslu höfuðborgarsvæðisins. Þróunarsvið var áður Þróunarstofa sem var sett á laggirnar í maí 2009 í framhaldi af nýjum áherslum. Þróunarstofa tók að hluta til við fyrri verkefnum Miðstöðvar mæðraverndar, Miðstöðvar heilsuverndar barna og Miðstöðvar Tannverndar.

Mæðravernd

Ragnheiður I. Bjarnadóttir yfirlæknir

 

Mæðraverndarsvið vinnur að þróun og uppbyggingu mæðraverndar og stuðlar að samræmingu hennar með því að:

  • vera faglegur bakhjarl við heilsugæsluna
  • veita heilbrigðisstarfsfólki og almenningi faglega ráðgjöf, fræðslu og stuðning
  • vinna að vísindarannsóknum í mæðravernd
  • vinna með heilbrigðisyfirvöldum og heilsugæslu landsins að stefnumótun mæðraverndar á landsvísu

 Helstu verkefni mæðraverndarsviðs eru:


  • innleiðing klínískra leiðbeininga um mæðravernd
  • sérfræðiþjónusta fæðinga- og kvensjúkdómalækna á heilsugæslustöðvum höfuðborgarsvæðisins
  • símaráðgjöf
  • stoðþjónusta, til dæmis viðtöl við verðandi foreldra sem vilja hætta að reykja
  • gerð og dreifing fræðsluefnis fyrir fagfólk og almenning
  • fæðingafræðslunámskeið
  • vísindarannsóknir
  • fagrýni
  • að halda uppi samskiptum við kvennadeild LSH um sameiginleg málefni er varða mæðravernd
  • samstarf við HÍ samkvæmt samstarfssamningi HH og HÍ
  • þátttaka í fagráði Landlæknis um mæðravernd

Tannvernd

Hólmfríður Guðmundsdóttir tannlæknir

 

Sviðið vinnur með heilbrigðisyfirvöldum að því að leiða umbótastarf og samræma tannvernd innan heilsugæslunnar á landsvísu.

Tannlæknisþjónusta er gjaldfrjáls fyrir öll börn með skráðan heimilistannlækni. Heilsugæslan annast upplýsingagjöf og eftirfylgni með því að foreldrar gangi frá skráningu heimilistannlæknis fyrir börn sín.

Lyfjamál

Kristján Linnet lyfjafræðingur
 

Á lyfjasviði er meðal annars tekið saman yfirlit um lyfjaávísanir lækna Heilsugæslu höfuðborgarsvæðisins.

Ung- og smábarnavernd

Sesselja Guðmundsdóttir sviðsstjóri
 

Hlutverk Ung- og smábarnaverndarsviðs er að þróa, leiða og samræma heilsuvernd ung- og smábarna í samvinnu við heilbrigðisyfirvöld og heilsugæsluna á landsvísu. Hefðbundin ung- og smábarnavernd fer fram á heilsugæslustöðvum og hefur það markmið að styðja við heilsu og þroska barna frá fæðingu til 6 ára aldurs.

Helstu verkefni


  • Þróun og endurskoðun verklags- og vinnuleiðbeininga fyrir ung- og smábarnavernd.
  • Fræðsla og símenntun fagfólks heilsugæslunnar sem sinnir ung- og smábarnavernd, til dæmis með námskeiðum og fræðsludögum.
  • Fræðsla og gerð fræðsluefnis fyrir foreldra um efni sem snertir ung- og smábörn, til dæmis uppeldi.
  • Upplýsingar til starfsfólks heilsugæslunnar með viðeigandi efni, meðal annars með virkum tölvusamskiptum og upplýsingum á heimasíðu
  • Söfnun upplýsinga um heilsufar barna og starfsemi ung- og smábarnaverndar og úrvinnsla þeirra.  

Heilsuvernd skólabarna

Ása Sjöfn Lórensdóttir


Sviðið hefur það hlutverk að þróa, leiða og samræma heilsuvernd skólabarna í samráði við heilbrigðisyfirvöld og heilsugæsluna á landsvísu.

Heilsuvernd skólabarna er hluti af heilsugæslunni og framhald af ung- og smábarnavernd. Markmið heilsuverndar skólabarna er að efla heilbrigði nemenda og stuðla að vellíðan þeirra. Starfsfólk heilsuverndar skólabarna vinnur í náinni samvinnu við foreldra/forráðamenn, skólastjórnendur, kennara og aðra sem koma að málefnum nemenda með velferð nemenda að leiðarljósi. Farið er með allar upplýsingar sem trúnaðarmál.

Starfsemi heilsuverndar skólabarna er samkvæmt lögum, reglugerðum og tilmælum sem um hana gilda. Helstu áherslur í heilsuvernd skólabarna eru fræðsla og heilsuefling, bólusetningar, skimanir og skoðanir og umönnun veikra og slasaðra barna ásamt ráðgjöf til nemenda, fjölskyldna þeirra og starfsfólks skólans.

Sérnám í heimilislækningum

Elínborg Bárðardóttir kennslustjóri


Sérnám í heimilislækningum fer fram samkvæmt marklýsingu um sérnám í heimilislækningum þar sem tekið er mið af fyrir fram ákveðnum kröfum um þekkingu, færni, viðhorf og skilning á heimilislækningum.  Námið er einstaklingsmiðað og að mestu leiti starfsnám sem skiptist í 3ja ára starfsnám í heilsugæslu og 2ja ára starfsnám á sjúkrahúsi.  Starfsnámið er undir handleiðslu sérfræðinga, heimilislækna sem leiðbeina, styðja og hafa eftirlit með sérnámslækni.

Leiðbeiningar

Mæðravernd á Þróunarmiðstöð íslenskrar heilsugæslu gefur reglulega út Fróðleiksmola um mæðravernd. 

 

Starfsfólk miðstöðvarinnar kemur að gerð ýmissa leiðbeininga um verklag í heilsugæslu.

 

Fróðleiksmolana og aðrar leiðbeiningar Heilsugæslu höfuðborgarsvæðisins er að finna hér á vefnum undir Fagfólk, efst í vinstra horninu.

Fannst þér efnið hjálplegt?

Af hverju ekki?