Heilsuvernd skólabarna er hluti af heilsugæslunni og framhald af ung- og smábarnavernd. Hjúkrunarfræðingar og læknar á heilsugæslustöðvum sjá um heilsuvernd skólabarna í hverfi stöðvanna.
Markmið heilsuverndar skólabarna er að stuðla að því að skólabörn fái að þroskast við sem bestar andlegar, líkamlegar og félagslegar aðstæður.
Helstu áherslur í heilsuvernd skólabarna eru fræðsla og heilsuefling, bólusetningar, skimanir og skoðanir og umönnun veikra og slasaðra barna ásamt ráðgjöf til nemenda, fjölskyldna þeirra og starfsfólks skólans.
Starfsfólk heilsuverndar skólabarna vinnur í náinni samvinnu við foreldra/forráðamenn, skólastjórnendur, kennara og aðra sem koma að málefnum nemenda með velferð nemenda að leiðarljósi. Farið er með allar upplýsingar sem trúnaðarmál.
Heilsugæslan sinnir heilsuvernd skólabarna í 76 skólum á höfuðborgarsvæðinu.
Hér má sjá lista yfir skólanna og netföng skólahjúkrunarfræðinga
Fræðsla og heilsuefling heilsuverndar skólabarna byggir á hugmyndafræðinni um 6-H heilsunnar.
Eftir fræðslu fær barnið fréttabréf með sér heim. Þá gefst foreldrum kostur á að ræða við börnin um það sem þau lærðu.
Á síðu Heilsuverndar skólabarna Þróunarstofu heilsugæslunnar (áður Miðstöð Heilsuverndar barna) má sjá nánari lýsingu á heilsuvernd skólabarna.
Þroska- og hegðunarstöð sinnir sérhæfðri greiningu og ráðgjöf vegna þroska- og hegðunarfrávika hjá börnum.