Fylgst er reglubundið með vexti og þroska barnanna. Ráðgjöf af ýmsu tagi m.a. um brjóstagjöf, mataræði og slysavarnir er mikilvægur þáttur eftirlitsins. Bólusett er gegn barnaveiki, stífkrampa, kíghósta, mænuveiki, heilahimnubólgum, hettusótt, rauðum hundum og mislingum.
Fyrstu vikurnar eftir fæðingu fara hjúkrunarfræðingar stöðvarinnar í vitjanir heim til barnanna. Foreldrar eru því beðnir um að hafa samband við hjúkrunarfræðing fljótlega eftir að heim er komið. Fyrsta læknisskoðun er við 6 vikna aldur. Reglubundnar skoðanir eru hjá hjúkrunarfræðingi og lækni til skólaaldurs.
Á fimmtudögum er opið hús fyrir foreldra með ung börn frá kl. 13:00 til 14:00. Foreldrar geta komið án þess að panta tíma áður og fengið ráð hjá hjúkrunarfræðingum um uppeldi og umönnun barna sinna
Skoðanir og bólusetningar:
Aldur
Hver skoðar
Hvað er gert
< 6 vikna
Hjúkrunarfr.
Heimavitjanir
6 vikna
Hjúkrunarfr. og læknir
Skoðun
9 vikna
Hjúkrunarfr.
Heimavitjun eða skoðun á heilsugæslustöð
3 mánaða
Hjúkrunarfr. og læknir
Skoðun og bólusetning gegn kíghósta, barnaveiki, stífkrampa, Haemofilus influenzae sjúkdómi gerð b (Hib) og mænusótt í einni sprautu, pneumókokkum í annarri sprautu.
5 mánaða
Hjúkrunarfr.
Skoðun og bólusetning gegn kíghósta, barnaveiki, stífkrampa, Haemofilus influenzae sjúkdómi gerð b (Hib) og mænusótt í einni sprautu, pneumókokkum í annarri sprautu.
6 mánaða
Hjúkrunarfr. og læknir
Skoðun og bólusetning gegn Meningókokkum C
8 mánaða
Hjúkrunarfr.
Skoðun og bólusetning gegn Meningókokkum C
10 mánaða
Hjúkrunarfr. og læknir
Skoðun
12 mánaða
Hjúkrunarfr.
Skoðun og bólusetning gegn kíghósta, barnaveiki, stífkrampa, Haemofilus influenzae sjúkdómi gerð b (Hib) og mænusótt í einni sprautu, pneumókokkum í annarri sprautu.
18 mánaða
Hjúkrunarfr. og læknir
Skoðun og bólusetning gegn mislingum, hettusótt og rauðum hundum í einni sprautu, PEDS Mat foreldra á þroska barna
2 1/2 árs
Hjúkrunarfr. og læknir
Skoðun, PEDS Mat foreldra á þroska barna, BRIGANCE þroskaskimun
3 ára
Tannlæknir
Forvarnarskoðun - tanneftirlit. Ókeypis skoðun hjá tannlæknum sem vinna í umboði Sjúkratrygginga Íslands. Nauðsynlegt að skoðun fari fram áður en barnið nær fjögurra ára aldri.
4 ára
Hjúkrunarfr.
Skoðun, sjónpróf, PEDS Mat foreldra á þroska barna, BRIGANCE þroskaskimun og bólusetning gegn kíghósta, barnaveiki og stífkrampa í einni sprautu
Sjá nánar um ungbarnavernd og einng fjölbreytt fræðsluefni um barnið og umönnun þess á fræðslusíðunni.